E premte, 12.07.2024, 04:51 PM (GMT+1)

Kulturë

Poezi nga Jusuf Zenunaj

E diele, 14.02.2010, 07:17 PM


Jusuf Zenunaj

E HËNA S' NDRYSHON NGA E DIELA
 
Lulin e Vocërr të kohës së Migjenit
në çdo rrugë e lagje me shokë e kemi,
"Poemën e mjerimit" ua mëson jeta,
në fshat e në qytet qyshkur ishin  në djepa,
Me karroca dore, duart  "i forcojnë "
mëngjes deri n'darkë punë kërkojnë,
nëpër bërlogje mbledhin kanaqe,
të kthehen në shtëpi  me bukë e ilaçe.                                 
Zemrat e njoma bëhen si oxhaqet;
prej agut në terr shtohen vetëvrasjet.
Kupa e dëshprimit rimbushet  pa rreshtur
pensionistë, gjyqtarë, aktorë, e mjekë,
bashkë me mësuesit tash dhjetë vjet,
presin me shpresa  për ditë ma të mira-
e hëna s'ndryshon  nga e diela.
 
9 shkurt 2010


EULEKSI


Dje ishte UNMIK

sot EULEKS,

ndryshojnë  në punë

si morri me plesht,

Të grrithin në lëkurë

derisa të përgjakun,

i dinim për ilaç

dhe "shpëtimtarë",

ëndrra e "ëmbël"

na doli përrallë ,

Pas dorës së miqësisë

me demokraci,

na vrau  i Vjetri,

gjykon Unmiku i  Ri.

Jo mor jo 

ky është tjetri-

E U L E X I !

Ditët e natë punon

në gjyq e doganë,

kërkuesit e së drejtës

për Vetëvendosje,

ndjek hapa pas hapi

në leqe e qoshe.

Rrugën e Unmikut

nuk e tradhton dot,

në bankën e fajtorit

Albinin e pret sot.

 
11 shkurt 2010


(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora