Skënder R. Hoxha: Kumti që shpoi natën

SKËNDER R. HOXHA

KUMTI QË SHPOI NATËN

(Vëllait tim, Enverit, që ndërroi jetë nga pasojat e torturave serbiane)

1.

NË GJUMIN E PARË,

PA MBARUAR ORË E PARË

E PASMESNATËS,

KUR NISEJ E MARTA

E NJËZET E NJË DHJETORIT

DY MIJË E DHJETË,

ATË NATË ME BORË,

SHI, VËRSHIME

CINGËRRIMË E TELEFONIT

MË SHPOI ME KUMTIN E HIDHUR –

“VËLLAI YT, ENVERI

NDËRROI JETË –

ZOTI TË LASHTË SHËNDOSH”!...

BASHKË ME BIRIN TIM MEMLIN

MAKINA MEZI NDIHEJ

NË ATË PASMESNATË

UDHËN KAPTOVA

ME SY TË MJEGULLUAR

TË PËRLOTUR…

2.

NË SPITALIN E PEJËS

NË NJË DHOMË TË TIJ

KUFOMË E VËLLAIT TIM

NË NJË KREVAT SHTRIRË!...

ATY EDHE GRUAJA E TIJ

DJALI DHE VAJZA E DYTË

TEK MERRESHIN ME DHIMBJEN…

TË GJITHË SË BASHKU

NGUSHËLLONIM NJËRI-TJETRIN

MALLKUAM DHE LOTËT E QIELLIT!

VËLLAI ENVERI –

IKU NË PËRJETËSI…

3.

PO KËTË DITË

TË DHJETORIT TË EGËR

E VARROSËM ENVERIN TONË

NË PARZMËN E VENDLINDJES

SË TIJ –

NË SHQIPONJË.

                                                            (21 dhjetor 2011, Pejë – Shqiponjë)

PS: Botohet në prag të njëvjetorit të vdekjes së Enverit – 21 dhjetorit 2010. – Autori.