Hysen Ibrahimi: Aleksandër I. Bajgora - 'Rruga e Isa Boletinit për Pavarësinë e Shqipërisë, 28 Nëntor 1912'

Reflektim mbi veprën “Rruga e Isa Boletinit për Pavarësinë e Shqipërisë, 28 Nëntor 1912” të autorit Aleksandër I. Bajgora

Nga Hysen Ibrahimi

Sot pata nderin e veçantë të pranoja si dhuratë veprën me titull “Rruga e Isa Boletinit për Pavarësinë e Shqipërisë, 28 Nëntor 1912”, të autorit Aleksandër I. Bajgora. Kjo vepër dallon dukshëm nga botimet bashkëkohore, për shkak të formës së saj të veçantë: ajo është përgatitur tërësisht me bukurshkrimin origjinal të vetë autorit. Ky element e kthen librin në një krijim unik, që ngjall kujtimet e epokës së Rilindjes Kombëtare, kur mendimtarët dhe shkrimtarët shqiptarë botonin veprat e tyre në dorëshkrim, me qëllim që t’i shërbenin çështjes kombëtare.

Autori, Aleksandër I. Bajgora – të cilin e kam nderin ta quaj mik dhe e thërras me dashuri “Sandër” – shfaqet në këtë vepër jo vetëm si studiues dhe historian, por edhe si një figurë që mbart shpirtin dhe idealizmin e rilindasve tanë të mëdhenj: Jeronim De Rada, Anton Zako Çajupi, Ndre Mjeda, Naim Frashëri, Hasan Prishtina, Naum Veqilharxhi, Thimi Mitko, Luigj Gurakuqi, Aleksandër Stavre Drenova (Asdreni) e shumë të tjerë.

Vepra, e përbërë nga 532 faqe të shkruara me dorë, përfaqëson një punë të jashtëzakonshme kërkimore e krijuese. Ajo është e pasuruar me fotografi, dokumente dhe materiale arkivore, që i japin tekstit një dimension dokumentar të çmuar. E gjithë struktura e librit ndërtohet mbi bazën e dëshmive autentike dhe referencave historike, duke ruajtur në mënyrë të përpiktë origjinalitetin dhe vlerën burimore të lëndës së trajtuar.

Në këtë kuptim, “Rruga e Isa Boletinit për Pavarësinë e Shqipërisë, 28 Nëntor 1912” mund të konsiderohet si një vepër e rëndësishme historiografike, që sjell një kontribut të çmuar në fushën e studimeve kombëtare. Me guximin intelektual dhe përkushtimin e tij të palëkundur, autori ka arritur të hulumtojë dhe ndriçojë hapësira të reja tematike në historiografinë shqiptare, duke e bërë këtë libër një dëshmi të rrallë të pasionit për atdheun dhe historinë e tij.

Në përmbyllje, shpreh urimet dhe përgëzimet më të sinqerta për autorin, mikun tim Aleksandër I. Bajgora, për këtë vepër madhore, e cila përbën një pasuri të vlefshme për kulturën dhe kujtesën historike shqiptare.

Autori, Aleksandër Istrefi - Bajgora, ka shërbyer si komandant i Batalionit të Parë të Brigadës 141 "Mehë Uka" të Zonës Operative të Shalës.

Sot isha tejet i nderuar, kur mu dhurua një libër i titulluar “RRUGA E ISA BOLETINIT PËR PAVARËSINË E SHQIPËRISË 28 NËNTOR 1912” autori Aleksander I. Bajgora. Ky libër dallon nga librat e rëndomt sot që botohen, është tejet i veçantë sepse është botuar me bukurshkrim origginal të vet ajtorit. Libri më krheu shumë mbrapa në kohë, kur ma kujtoi kohën e Rilindasve tanë kur ata botonin vepra me dorëshkrim për ti shërbyer ështjes kombëtare shqiptare. Autorin dhe mikun tim Aleksandër I. Bajgora, të cilin unë e quaj Sandër nga respekti që kam, e pash edhe si autor por edhe si një figure tipike të rilindasve tanë të hershëm që nga Jeronim Derada, Anton Zako Çajupi, Ndre Mjeda, Naimi Frashër, Hasan Prishtina, Naum Veqilharxhi, Thimi Mitko, Luigj Gurakuqi, Aleks Stavre Drenova Asdreni e shumë e shumë të tjerë.

Ky libër ka gjithsej 532 faqe, i tëri me bukurshkrim, një punë e shkëlqyer e autorit dhe I ilustruar me shumë fotografi e dokumenta përcjellëse, kushtuar heroit tonë Isa Boletini dhe shumë figurave kombëtare që kanë luajtur një rol për pavarësinë e Shqipërisë.

I tërë libri i ndërtuar me dorëshkrimi nga vet autori, është shndërruar si një vepër e madhe krijuese, me dëshmi dhe referenca të mjaftueshme që ruan origjinalitetin autentik dhe burimor me rëndësi historike.

Pra, libri “RRUGA E ISA BOLETINIT PËR PAVARËSINË E SHQIPËRISË 28 NËNTOR 1912” autori Aleksander I. Bajgora, mund të merret si një vepër historigrafike, e shkruar me guxim dhe vullnet të çelikt nga autori në hulumtimin e hapësirave të reja tematike kombëtare.

E përgëzoj nga zemra autorin, mikun tim Sandrin për këtë vepër madhore.

Hysen Ibrahimi

Mitrovicë, 5 tetor 2025