Florim Zeqa: Dita "N" e numërimit

Dita "N" e numërimit, ditë e kremtimit të fitores!

Nga Florim Zeqa

Pas një muaji të gjatë të fushatës zgjedhore, të një fushate të qetë dhe dinjitoze (më përjashtim të një loje më pistoletë "lodër" në Skenderaj),...heshtja zgjedhore u thye (në të njëjtin vend) më vrasje të një kandidati për asamble komunale duke dëshmuar kështu edhe njëherë pasigurinë e lartë qytetare dhe nivelin e ulët të demokracisë në vendin tonë!

Dita vendimtare "Z" e zgjedhjeve kaloj e "qetë" më përseritjën e marifeteve të zakonshme,...për t'i lëshuar radhën ditës "N", të fillimit të numrimit të votave apo thasëve të "bereqetit" elektoral nga korrja e votave.

Se kujt i pagoi "gruri" më mirë kësaj radhe, mbetët të shifet nga dita e sotme e në ditët në vazhdim.

Pra sot, 4 nentor 2013, qytetarët presin të fillon dita "N" e ndryshimit apo dita e fillimit të ri dhe dita e përfundimit të epokës së keqeverisjës nga antivlerat. Qytetarët presin të filloj një kapitull i ri i qeverisjës së vlerave rugoviane, presin që guximi ta mund frikën, shpresa të ngadhnjejë ndaj humbjes së besimit.

Poashtu nga sot pritet të përfundon sistemimi i dajëve e tezëve, nipave e mbesave, miqëve e kushërinjëve nëpër institucionet e vendit!

"Njerëzit që kanë tendencë për të premtuar shumë, njashtu kanë tendencën edhe për të harruar shpejt".

Mbajtja e premtimeve të subjekteve politike fillon nga mbajtja e vijave programore, profileve politike dhe ideologjike.

Subjekte serioze politike konsiderohen ato subjekte që mbrojnë parimet dhe pikpamjet e tyre politike të deklaruara për një muaj rresht para elektoratit të tyre.

Poashtu poitikaj të sinqert dhe serioz mbesin ata që u qendrojnë besnik fjalëve të tyre, që sakrifikojnë poste e privilegje për mbrojtjen e interesave te popullit dhe vendit të tyre.

Nga sot fillojnë edhe ethet e koalicioneve për balotazh,...do të jenë shumica e komunave që do t'i nënshtrohen raundit të dytë zgjedhor për përmbysjen e pushtetit të klaneve dhe haraqit.

Lidhja e koalicioneve do të vjenë jo si dëshirë por si domosdoshmëri për marrjen apo mbajtjen e pushtetit,...mbajtja e linjave programore është obligim ndaj elektoratit, ndaj votës së lirë.

Përvoja e dëshmoj se më e shendetshme për partitë e mëdha (LDK) është të qenurit opozitë e shendosh se sa në koalicion joparimor dhe i panatyrshëm mes dy forcave të mëdha më orjentime të kundërta politike.

Të qenurit opozitë e fortë është të qenurit kujdestar i përherëshem i gabimeve të pozitës, i mbrojtjes së ligjëshmërisë dhe interesave vitale të qytetarëve të vendit.

Qytetarët e vendit mbesin më shpresën e madhe së subjektet e preferuara nga ta, kësaj radhe nuk do t'i përserisin gabimet nga e kalura të lidhjes së koalicioneve më oponentet e tyre politik, por t'i qëndrojnë besnik elektoratit të tyre, votës së lirë të dalë nga vullneti qytetar.

Respektimi i verdiktit të popullit është shprehje e nivelit të demokracisë dhe vlerave universale të të drejtave të njeriut. Parime këto, të respektuara në vendet e zhvilluara dhe demokratike.

Ketë shkrim më pëlqen ta përfundoj më thënjen e Alan Tournier për politikanët avanturista që politikën e bëjnë për para e jo për ideale; "Politikanët që bëjnë politikën për para, janë sikurse dashuria që bëjnë prostitutat në zanatin e tyre".