E diele, 09.02.2025, 11:46 PM (GMT)

Kulturë

Poezi nga Gjon Neçaj

E merkure, 11.08.2010, 08:17 PM


Gjon NEÇAJ

 

POEZI

 

 

MORFOLOGJIA E FJALËS…

 

Ngarendje përditë n’vitrinat ndjesore,

Prej antikitetit deri në palcën e gurit;

Gjymtyrët kockorë të endjeve rrugëtare,

vallëzojnë trishtueshëm në token e nemun…

Ndërsa morfologjia e fjalës mat kutin galaktik,

Në rrugët e fjetura të vendlindjes sime…

 

Mbaruan fjalët,

e tashmë flasin vetëm egërsirat…

 

7 gusht,2010

 

 

SINUS

 

Nuk është ndonjë formulë shkencore,

As prirje për të vazhduar studimet im bir;

Me sinuse ka rrjedhur shekujve galaktika e jetës,

Derisa një ditë u zhduk shkrimi hënor…

 

8 gusht,2010

 

 

POTPURI DHE LËMSHI I MACEVE

 

Dikur motit macet ishin zonjat e shtëpisë,

Plakat tallaziteshin n’prushin e zjarrit vjeshtor;

Duke rikujtuar se prekja me lëmsh e kokës së maceve,

qetësojnë  mendjen e tyre të trazuar,

Për t’u larguar nga punët e shumta në kullat çatibrejtur.

 

Vetën kur ndihej potpuria e minjve në trarët e moçëm,

Macet kërkonin lëmshin e plakave…

 

Sot ndodh fenomeni i dyzimit.

 

 

9 gusht,2010.



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora