Demir Krasniqi: A do t’ vjen ndo ‘i herë ndo ‘i ditë

Në prag të Ditës Ndërkombëtare të Punës:

 A DO T’ VJEN NDO ‘I  HERË NDO ‘I   DITË

A do t’ vjen ndo ‘i  herë ndo ‘i  ditë ,

Kur do t’ dalim me shetitë ,

Prej një sheshi në një shesh –

Kur s’ do  t’  ketë lypsarë mes nesh ?!

Kur në shi , n’ akull e  n’ borë –

S’ do t’ ketë njerëz pa këmbë , pa dorë!...

Kur në  sheshe e  n’ rrugë të ngrira –

S’ do t’ ketë njerëz  me duar të shtrira !

Kur në rrugë t’ qytetit tim –

S’ do t’ ketë ma fëmijë jetimë !

Kur mbi rrugë me akull ngri –

S’ do t’ ketë nëna me fëmijë n’ gji!

Kur mbi akull e mbi asfalt –

Nuk do t’ shtrihen lypsarë sakat ,

Që me zë kërkojnë lëmoshë

Për t’ blerë bukë, për t’ u shëndoshë!

A do t’ vjen ndo  ‘i herë ndo ‘ i  mot –

N’ fytyrat  tona t’ mos ketë lot ?!

T’ mos ketë vuajtje e dhembshuri ,

Të ketë buzëqeshje e  dashuri ?!

A do t’ vjen ndo ‘i  kohë pa dhunë –

Kur s’ do t’ ketë njerëz të pa punë,

Kur s’ do t’ ketë sëmundje e uri ,

T’ ketë shëndet e lumturi ?!

A do t’ vjen ndo ‘i herë ndo ‘i shtet –

Kur rinia me fakultet

Nuk do t’ ikin në kurbet ,

Do t’ punojnë në vend të vet ?!

                                                Teksti, muzika dhe interpretimi:

Gjilan, më 29.04. 2010.    Demir KRASNIQI