Engjëll Shehu: E vërteta është me mua

Engjëll Shehu

Dy tekste kenge, krijuar per melodi jugore

E vërteta është me mua

Unë rënkoj se më dhëmbë zemra
për atë që zgjodha vet
Jo mor jo nuk loz me jetën
do të gjej dhe me det

E vërteta është me mua
ndaj dhe unë s’të ndahem kurrë
Se për mua ti je drita
ndaj më del dhe në gjumë

Mos mendo se të harrova
do të gjej në fund të botës
Me lëndove e më dhe dhimbje
njësoj  si dhimbja e kockës

Refreni

Edhe kur unë të vdes
as dheu s’do  të më tres
te kam dashur si i marrë
ndaj s’do rri pa të parë

12/08/2012

Lartësoma dashurine

O mali lartë me majë
pse s’më vjen mua në ndihmë
pse më lë që unë të vuaj
lartësoma dashurinë

Dashurin që më kërkon zemra
o mali lartë me maj
Bëmë dhe mua madhështor
bëmë që tyja të të ngjaj

Ndaj me ty unë lartësohem
o mali lartë me maj
Dashurine ti ma rinon
ndaj në krah ti më mban

Refreni

Dashuri zjarr i pashuar
unë jam djegur përvëluar
Ku je ti jam dhe unë
ti me do por unë më shume

10/08/2012