Kulturë
Demir Krasniqi: Këngë për Dëshmorin Imer Rama
E shtune, 10.12.2011, 02:57 PM
KËNGË PËR DËSHMORIN IMER RAMA
I.
Ma do zemra , më vlon gjaku –
T’ këndoj për trimin nga Gollaku !
Për dëshmorin Imer Ramën –
Vargjet n’ shpirt ma nxjerrin kangën !
Do t’ shprush pluhurin e harresës ,
Do t’ nxis mendjen e kujtesës –
T’ i këndoj burrit të besës ,
Këtij simboli të qëndresës !
Sa herë librat i shfletojmë ,
Sa herë këngët i këndojmë ,
Ne, dëshmorët s’i harrojmë ,
Nëpër shekuj i kujtojmë !
Imer Rama prej Koliqi –
Ishte burrë që mburrej fisi !
Kësaj familje n’ mbarë Gollakun –
S’ mundej kush t’ ia hajë hakun !
Për mikpritje e bujari ,
Për gjakim n’ atdhetari !...
Kjo familje brez pas brezi –
Flakadan lirie ndezi !
Imer Rama , ai pishtar ,
Me taban të fortë kombëtar ,
Rrinte n’ oda me burrërinë ,
Ku e mësonte historinë ...
Mësonte vuajtjet popullore –
N’ okupimet shekullore ...
E urrente verbërinë ,
Okupimet , robërinë ...
Ndonëse ishte i pa shkolluar –
Shumë herët kishte kuptuar ,
Se si serbi do t’ veprojë ,
Që Kosovën ta okupojë !
E urrente okupatorin ,
Tiraninë edhe mizorin ...
Kundër dhunës , padrejtësisë –
Nga Mbretëria e Jugosllavisë !
II.
Retë e zeza e mbuluan qiellin ,
Mbi Kosovë kishin zanë diellin ...
Hienat serbo – sllav barbare –
Do t’ kafshojnë tokat shqiptare !
Njësitë serbo – partizane –
Mashtruan njerëzit e kësaj ane ,
Nën parullë t’ “Vëllazërim – Bashkimit”,
T’ luftojnë n’ vijë për rreth kufirit !
Atje kish shumë atdhetarë –
Të rreshtuar n’ Ballin Kombëtarë ,
T’ mbrojnë Kosovën pikë për pikë ,
Nga gllabëruesit serbo – çetnikë !
Në këtë front në fshatin Kolaj –
Tridhjetë trima si shqiponja ,
Luftëtarë të përbetuar ,
Si luaj të trimëruar !
Në një luftë t’ pa barabartë –
Gjoks për gjoks me gjakatarët !
N’ front të luftës me luftëtarë –
Imer Rama n’ vijë të parë !
N’ vjeshtë të vitit dyzet e katër ,
Duke bërë një luftë me hatër ,
Imer Rama aty është vra –
Heroikisht dëshmor ka ra !
T’ njëjtën ditë me armë në dorë ,
Me Imerin kanë ra dëshmorë –
Shaban Sadik Sylejmani ,
Sylë Ademi nga Orllani !
N’ fshatin Kolaj , n’ këtë vend malor –
Familja Rama është meritorë ,
Brez pas brezi ka dhanë dëshmorë ,
Për liri t’ truallit arbërorë !
Shumë dëshmorë e shumë martirë ,
Ka dhanë burrat ma të mirë !
Shumë kanë dhënë e janë flijuar ,
Për Atdhe kanë kontribuar !
III.
N’ thirrje t’ Ushtrisë Çlirimtare –
Kjo familje atdhetare ,
Doli n’ luftë me armë në dorë ,
Për Atdhe dha tre dëshmorë !
Dha Agronin , Farukun dhe Albertin ,
Për Atdhe – vdekjes s’ ia bëjnë dertin !
S’ tremben trimat e Malësisë –
Për t’iu bërë kurban lirisë !
I dha Kolaj , bijtë ma t’ mirë ,
Këtu kanë ra dhe shtatë martirë –
Ranë Ismeti dhe Bejtushi ,
Kësi petritësh s’ kishte kushi !
Ranë Xhevati e Xheladini –
Lumja nëna , n’ dhe çka shtini !
Bashkë me ta , ka ra dhe Shqipja ,
Ra Suzana dhe Hamidja !...
Këta malësorë dhe këto malësore –
N’ luftë me forcat serbo – policore ...
N’ luftë me shkije fyt për fyt –
Për liri i mbyllen sytë !
Të gjithë kanë ra n’ altar t’ lirisë –
Duke i mbrojt pragjet shtëpisë ,
Duke e mbrojt nderin shqiptarë ,
Dinjitetin tonë kombëtarë !
IV.
Vitin nëntëqind e dymbëdhjetë –
S’ e harrojmë , ne , kurrë për jetë !
S’ i harrojmë ngjarjet e tmerrit –
Kujtojmë vëllain e Imerit !
Nezir Rama , ai djalë i ri –
Vullnetar në luftë ka hi !
Kur i kishte tetëmbëdhjetë vjet –
N’ Luftë të Shkodrës shkoi me vullnet !
Nga Kosova me dymijë t’ rijë –
Kundër ushtrisë s’ Malit t’ Zi ,
Që synonte n’ Shkodër me hy ,
Me ba luftë , me ba kërdi !
Me ba luftë , me ba therore –
Me zaptua Shqipërinë Veriore !
Malit t’ Zi, keq iu tha vorba –
I mbet ushtria mish për korba !
N’ histori , familja Rama –
Përjetoi vuajtje të randa !
U përballë me shumë armiq ,
Porse frikën se njohu hiq !
Sakrifica përjetuan ,
Shumë torturave iu nënshtruan ,
Nëpër burgje i dërmuan ,
N’ internime shumë i quan !...
Imer Ramës i këndojmë lavdi –
Të pushojë në përjetësi !
Emri i Tij , shkruar me ar –
Jeton n’ bronz e n’ lapidarë !
Gjilan ,më 05.12.2011. Demir KRASNIQI
*****
Kjo rapsodi është thurë duke u bazuar në artikullin e autorit Xhelil Rama, me titull:”Për dëshmorin e harruar , simbolin e rezistencës për mbrojtjen e kufirit lindor të Kosovës – Imer Rama, nga fshati Kolaj (Koliq), i rënë më 1944”, publikuar në “Zemra Shqiptare” të datës 02.12.2011.