E shtune, 15.06.2024, 05:25 PM (GMT+1)

Kulturë

Puntorie Ziba: Kur vdes qyteti

E enjte, 12.09.2013, 07:33 PM


Puntorie Muça-Ziba

 

Kur vdes qyteti

 

(Skupit)

 

Kjo verë e gjatë dhe e nxehtë

polli mijëra insekte

si derra të tërbuar perandorak,

këto gojë çaraveshura

shituan shikimin tim

nga dritarja pasqyrë

e bërë pis me copëza fekalesh

kur,

çdo mëngjes zvetnohej

nga një faqe e qytetit tim.

Nga korrakamat e hutëve

plasnin kokat,

pikonin bulevardeve,

eh, asnjë mendje e shëndetshme

nuk u bë gojë për çdo vesh…

Potpuri zërash të çartur insektesh

shalëgjata e shalë shkurtëra,

dremisnin nga malet përreth

gjoja se flejnë,

gjoja se janë krahë e këmbë këputura.

Ata në kupë të zhegut

gërvishtnin hënëzën e faqes sime

dhe nuk bënin asnjë çap tutje

larg parmaqesh

meqë,

nuk ju lëvizte asnjë qerpik

nga njerëzit snob.

Më sillni tërkuzë e kulpura

t’ua ndal hovin duarve

të skulptorëve milingona

e karakalecë të zhurmshëm,

se qyteti i skulpturave pa art,

mori pamjen e dhomës së morgut…



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora