Demir Krasniqi: S’pari herë kangën e nisa

S’ PARI HERË KANGËN E NISA

            -Kënga është thurë sipas të folmes lokale të vendlindjes sime -

S’ pari herë kangën e nisa –

Tu’  i ruejt delet nën do lisa ...

Tue mledhë  thana , tue mledhë  mana ,

Tu’ i knue   kangt  që m’i msoi nana !

            Refreni:

            Nien bylbylat mal me mal –

            Më thanë  – kangën mos e ndal !

            Kanga jote e gzon mikun ,

            Kanga jote e plasë anmikun !

S’ pari herë kangën e nisa –

Bashkë me nanën tue mjell fshisa ...           

N’ bahçe t’ thurun  me taraba ,

Tu’ i knue  kangt  që m’i msoi baba !

            Refreni:

            Nien bylbylat mal me mal ...etj.

S’ pari herë kangën  e nisa  –

Me bareshat  nën do lisa  ...

Tue mbledh dredhëza n’ shpat te rrezja ,

Tu’ i knue kangt  që m’i msoi  tezja !

            Refreni:

            Nien bylbylat mal me mal ...etj.

S’ pari herë kangën kam nisë –

Nëpër degët e qershisë ...                  

M’ rritej  zemra nga sevdaja ,

Tu’ i knue   kangt  që m’i msoi daja !

            Refreni:

            Nien bylbylat mal me mal ...etj.

S’ pari herë kangën kam nisë –

N’ ato kodra  të Malësisë ...

Tue pi ujë me grusht te pusi  ,                      

Tu’ i knue  kangt  që m’i msoi msuesi !

            Refreni:

            Nien bylbylat mal me mal ...etj.

Gjilan, më 18.12.2011.      Demir KRASNIQI