Dibran Demaku: Sanço Panqa e Don Kishoti

Dibran Demaku

SANÇO PANQA E DON KISHOTI

Sanço Panqa e Don Kishoti

në krye të Kosovës kësi moti!

Na u zgjodhën ekspres

jo me vota, por me SMS!

Nga u erdhën SMS-ët

nga interesi apo sukseset?!

Nuk duan të dinë çfarë thotë bota

-kemi fituar!-thonë me vota?!

Me ca vota të rezervuara

nga minoritetet e përparuara!

Kishin përkrahjen nga minoritetet

s`u bëjhej vonë për deputetët!

Ishin të lumtur që edhe vetë Rada

me tre gishtërinj u bëri parada!

Veç kjo Rada me tre gishtërinj

tha:-Ky vend s`ka pavarësi?!

Ata qëndronin në prak të derës

bënin luftë me mullinj të erës!

Djerëset u rridhnin në fytyra

në ekranet e TV-ve me ngjyra!

Demokracinë kështu e huqën

por, as s`u zverdhën,as s`u skuqën!

Me rëndësi kishin fitoren

njëri-tjetrit ia shtrënguan dorën!

Po të ishte gjallë vetë Servantesi

do mahnitej me këtë lloj suksesi!

Ndërkaq Dulqinja e Tobozës

na paska ardhur drejt prej Moskës!

Të jetojë bashkë me shqiptar

me Don Kishotin-Kryetar!...