Luan Çipi: Sa të lumtur ishim bashkë

SA TË LUMTUR ISHIM BASHKË

Nga Luan Çipi

Ishim bashkë me fëmijët

Të bashkuar pranë e pranë

Nëna, baba dhe  të bijtë,

Dashuri pa fund e anë.

Shpejt kaluan 15 vjet

Kashtë e koqe u përndamë

Kapërcyer mal e det

Bijtë tanë vetëm na lanë.

Djali shkoj larg- në Çikago

Vajza e madhe në Kanada

Çup e vogël në Holandë,

Ne, të plakur, në oda.

Shtro e ngri fotografitë

Mendimet  përshkojnë vitet

Përpjekjet, peripecitë

Jetën që shkon e venitet.

Vërtet me halle e mundime,

Po, të lumtur ishim bashkë

Ato pakë përjetime

Zgjatën sa flaka në kashtë.

Ndaj fotot  shohim ngaherë

Marrim guxim djaloshar

Me shpresë se dhe një herë

Do mblidhemi, si më parë.

Tiranë, 23.11.2010