Engjëll Koliqi - Poezi të 6 nëntorit 2010

DO TË NA NJOHË MBARË BOTA

 

Me mbretëreshën time të bekuar

Nuk jemi këtu

Të bëjmë dashuri vetëm mes nesh

Por të mbjellim farë dashurie

Dhe të korrim lumturi

Për mbarë njerëzinë

Prandaj do të na njohë

Dhe do të na këndojë gjithmonë

Mbarë bota

                        Garlate (Lecco), 6 nëntor 2010

 

ME PROPOZIMIN TONË

 

Makina e dashurisë po niset

Me motor mirësie

Do të përshkojë këndshëm

Të gjitha relievet

Dhe të gjitha pëllëmbët e kësaj bote

                        Garlate (Lecco), 6 nëntor 2010

 

FLASIN DHE S’THONË GJË

 

Ata andej flasin

Flasin shumë

Në mëngjes, në drekë e në darkë

Ditenatë flasin

Bëjnë shumë zhurmë

E kurrë gjë s’thonë

                        Garlate (Lecco), 6 nëntor 2010

 

SIÇ KANË THËNË

 

Po bashkohen me ne

Për t’i shërbyer të vërtetës

Dhe dashurisë

Deri në amshimin e lumturisë

                        Garlate (Lecco), 6 nëntor 2010

 

PËRKUNDËR REALITETIT

 

Sipas miteve të tyre

Ëndërrojnë përralla qesharake

Dhe të pamundura

Edhepse nuk kanë zemër

As shpirt

Duan ta marrin fronin

Dhe ta komandojnë botën

Udhës së kotësive

...

                        Garlate (Lecco), 6 nëntor 2010

 

MË E RËNDËSISHMJA – DASHURIA

 

Duke shqyrtuar jetën

Stinën edhe shekullin

Me mbretëreshën time të bekuar

Kemi ardhur në përfundim

Se vetëm me dashuri

Mund të mbërrijmë në amshim

                        Garlate (Lecco), 6 nëntor 2010

 

EDHE NE KËNDOJMË

 

Në këtë shekullin e ri

Bota ka ndryshuar në çdo pëllëmbë

Tashmë

Edhe ne këndojmë

Dhe vallëzojmë këndshëm

Në kremten e lume të dashurisë

                        Garlate (Lecco), 6 nëntor 2010

 

NË PASQYRËN E DASHURISË

 

Sa bukur reflektohet ëmbëlsia e zemrave tona

Unë e mbretëresha

Reflektojmë bukur të rralla historie

Oh sa kënaqësi!

                        Garlate (Lecco), 6 nëntor 2010

 

PROCES I PËRJETSHËM

 

Dashuria jonë e bekuar

Është proces i përjetshëm

Dhe ëmbëlson të gjithë shekujt

Tani e tej amshimit

                        Garlate (Lecco), 6 nëntor 2010

 

NËPËR PËRRALLA

 

Hyjnë me ëndërra qesharake

Dhe hedhin tharm urrejtjeje

Në të gjithë relievet e tyre

Mbesinn të izoluar

Edhe larg fëmijëve të tyre

S’e njohin kurrë realitetin

As të vetin identitet

                        Garlate (Lecco), 6 nëntor 2010

 

NUK SHKATËRROHET HISTORIA

 

Me moton “ç’prej se jam unë ka filluar historia”

Shumë liderë dhe diktatorë

Të ideologjive soc-naciste

Kanë ngritur godina dhe monumente

Ne nuk duam t’i shkatërrojmë

Por t’i lëmë në margjinat e historisë

Në sektorin muzeor

...

                        Garlate (Lecco), 6 nëntor 2010

 

ME SY DASHURIE

 

Edhe në mesnatë

Kur të gjithë thonë se është terr i zi

Ne shohim bukur

Dhe dijmë çka duam

Sepse i kemi hapur sytë e dashurisë

E shohim agun e lumturisë

Duke trokitur në dyert e amshimit

                        Pescate (Lecco), 6 nëntor 2010

 

NDËRMJET KËNGËVE

 

Me mbretëreshën time

Ndalemi me motiv

Akte të bekuara dashurie

Duhet të realizojmë

                        Pescate (Lecco), 6 nëntor 2010

 

PRESIM DHE FITOJMË

 

Me të lumen mbretëreshë

Konform traditave të dashurisë

Para të gjitha sfidave kemi durim

Presim të qetë dhe me besim

Dhe gjithmonë fitojmë

-

Në regjimin tonë

Dashuria i bën ligjet

Gjithmonë

                        Pescate (Lecco), 6 nëntor 2010

 

MITE DHE MITE

 

Në mëngjes merren me mite

Mite tregojnë në drekë

Edhe në darkë

Ditenatë jetojnë me mite

Në të gjitha stinët

Dhe na thonë

Se kanë një histori të lavdishme

                        Pescate (Lecco), 6 nëntor 2010

 

ME RREGULLA PËRPARËSIE

 

Në  të gjitha diskutimet

E sidomos në vendime

Me mbretëreshën jemi marrë vesh

T’i respektojmë rregullat e përparësisë

Me zërin e arsyeshëm të dashurisë

-

Në të gjitha lëvizjet tona

Përparësi do të ketë dashuria

                        Pescate (Lecco), 6 nëntor 2010

 

SECILI NË MËNYRËN E VET

 

Për shumë çështje jetike

Edhe për kultivimin e dashurisë

Bëhet shumë zhurmë

Dhe ngrehet pluhur

...

Secili në mënyrën e vet

Shpreh qëndrimet

Dhe zbulon faqet e dashurisë

-

Të mirëfilltën dashuri ta kultivojmë

Që të gjithë

Sado që mundemi t’i respektojmë

                        Pescate (Lecco), 6 nëntor 2010

 

ME GJUHË DASHURIE

 

Unë edhe mbretëresha

Kemi vendosur

Që me të gjithë njerëzit

Gjithmonë

Të flasim vetëm me gjuhë dashurie

Për t’ëmbëlsuar

Tokën tonë dhe shekujt

Edhe amshimnin

                        Pescate (Lecco), 6 nëntor 2010

 

NË VALLEN E FATIT

 

Që nga kremtja e madhe

Kur hapëm epokën e dashurisë

Jemi të rregullt

Me këngët më të ëmbëla

Dhe me vezullima dashurie

E besnikërie

                        Pescate (Lecco), 6 nëntor 2010

 

PREJ PËRRALLËS NË MIT

 

Për një betejë të humbur

E patën bërë një përrallë

Për ta ndërruar historinë

Përralla që i cilësonte heronj dhe fitimtarë

Duke u përsëritur në çdo çast

U shndërrua në mit

Miti i glorifikon

Edhepse të gjitha luftërat i kanë humbur

Edhe sot jetojnë në kotësi

Dhe gjithçka e kanë të barabartë me hiç

                        Pescate (Lecco), 6 nëntor 2010