Demir Krasniqi: Kthemi eshtrat

Në Ditën e Personave të Pagjetur në Kosovë:

            KTHEMI ESHTRAT

Para syve t’ botës mbarë –

Presin nënat në Merdarë !...

Ende shpresat nuk janë humbur ,

Për më t’ dashurit që u janë zhdukur !

            Gjëmat e tyre e luajnë gurin –

            Presin djalin , vëllain , burrin!...

Kthemi eshtrat , ogurzi –

Presin nënat me duar n’ gji !

N’ shami t’ zeza , gratë te dera ,

Zemërshkrumb , motrat e mjera...

            Syrgjyn vdekur këto viktima ,

            Buzëtharë , fëmijë jetima .

Kthemi bijtë e nënës loke –

T’ prehen n’ gjirin e kësaj toke !

Se kjo tokë iu dha ushqim –

Kthemi bijtë t’ prehen n’ amshim !

            N’ dhera t’ huaja mbushë me djaj –

            Dergjen eshtrat pa pasë faj !

Presin nënat , në Merdarë –

Lumi i lotëve s’ka të tharë!...

Një thes eshtra , për ngushëllime –

Nga xhelatët , që bënë krime!...

            I vodhën eshtrat në skëterra

            E na i fshehën në humnera !...

                                                Teksti, muzika dhe interpretimi:

                                                            Demir KRASNIQI