Luan Çipi: Shkodra edhe Vlora

SHKODRA EDHE VLORA

Nga Luan Çipi

Në komente sporti, një ditë, u sha Vlora

Ai që përgojonte ishte një Shkodran.

Shpejt e nxorra  lapsin, e vura te dora

Dhe nis e të shkruaj, ca zvargur e bran.

Ai shan e shfryn, mburret e qorton

-“ Ju jugorët, të flisni  për art e sport, të drejtë nuk keni,

Kur, para do vjetësh, te ju s’qarkullon

Kollos si Gjergj Fishta,  poet si Migjeni.

Shkodra Loce nxorri kapitenin Loro,

Vllazninë e bujshme dhjetra herë kampion

Djepin e futbollit, të mbushur me “dhoro”.

Kalaj  “Rozafa” që nga lart shikjon?”

-E nderojmë kujtimin,  ai kalëron.

Po dhe “Flamurtari”  ishte fitimtar

Sa në Beograd dhe në Barcelon

Brenda Shqipërisë, në Evropën mbarë.

Fishta dhe Migjeni  përparimin mbarti,

Janë të tan Shqipnisë, burra, trima mali

Si Ali Asllani, si Fatos Arapi

Shqipe mbi shqiponjat- Ismail Qemali.

Po të shkojmë më tutje, gjer te Skënderbeu,

Sërish shohim Vlorën, një nip është përmes

Ndaj, një britmë oshtim, del  rishtaz prej dheu:

Ta duam sho-shoqin,  si vëllezër me besë.

Na thërret dymbëdhjeta, njëzet, njëzetekatër

Kur Vlora e Kosova u ngritën më këmbë

Per Atdheun e dashur, nga një, në çdo vatër,

Shqa e italjanë – luftë dhëmb per dhëmb.

Tani, të bashkuar, vëllezër në traditë,

Me sjellje fisnike,  qytetarë të mirë,

Nuk ka pse partitë të nxisin dasitë,

Një është Shqiperia tej për tej e lirë.

Vlore, 23.04.2010