Kulturë
Sabile Keçmezi- Basha: Kodi i pritjes (Cikël poetik)
E merkure, 10.02.2010, 10:42 PM
SABILE KEÇMEZI-BASHAsabile_basha@hotmail.com
KODI I PRITJES
1. PA ÇKA... PRITJA
Pa çka... që më pate thënë
Imzot, se do takohemi
Nesër... apo një ditë tjetër...
Në mesnatë...
Në messtinë...
Vizatoja kthimin e lirinë
Në lëkurën e gjarprit
Pa çka... që më pate thënë
Kurrë...mos ta ndërpres lojën...
Në pikë të vlimit
Në mesnatën kallkan
Dhe...
Në vjeshtën e thinjur...
Se...
Edhe sot në Prishtinë
Bie shi
Dhe përmbyten ëndrrat
...
Imzot,
Më pate thënë,
Pa çka...
Që kurrë mos të kërkojë
Lëmosh ...
Për gjerat që nuk falen...
Për gjërat që nuk blihen...
Pa çka... Imzot...
Poqese më zënë pritën
Pulëbardhat që puthin hijet
dhe fluturojnë... fluturojnë...
tej... folesë së qyqes
Pa çka...
Pa çka...
2. KREJT ISHTE MËKAT...
Se...
Ti...me gjasë
Nuk e ke njohur dhembjen-kërpnajë
As lumturin përrallore-oqean
Lum miku...
Të pata thënë
E çka... se...
Dje me valixhe ngarkuar
Vrapuam drejt muzgut eterik
Me gjymtyrë të kruspulluara
Mbi shalë të dragoit skizmatik
Dhe kujtimet e kuqërremta
I skicojë mbi supe
Mëkate të pabëra
Se krejt... edhe kjo
Ishte mëkat i sklerotizuar
I dashurisë së skrimtë
3. MË PËRQESHE...
Dhe...
Dje përsëri, tok u rikthyem
Për të bërë homazhe
Në fërkemet e shlukëzuar
Të zamanit- çyryk
E Ti...
Qeshje paturpësisht
Duke më qitur gjuhën
Dhe pa fije mynxyre
Më përqeshe...
E unë ...
edhe më tej...
Të besoja...
.
4. MË AKUZUAN...
Më akuzuan
Mua... dhe nusen e fjetur
Pa pikë taksirati...
Agmia...
Luajti lojën me tri të panjohura
Dhe... u bë se më besonte
E më vonë...
Gjarpri i lodhur nga ecejaket
Vallëzoi lojën në vertikale
Duke kafshuar planetin
Në stinën mortore
5. NË ZIK-ZAKE
Në zik-zake te fatit
Vrapova, me brinjët ndër gjuhë
Se, menjëherë mëtanë
Lëkura e gjarprit digjej... digjej
Bashkë me ëndrrat
Dhe hiri i dyzuar
Shndërrohej në muranë
Dhe në prehrin tim
Qante...
Përsëri Rozafa...
Me mëkate ngarkuar
Dhe Ti... Ti...
Ti më the
Pa çka...
Që qanë Rozafa.
6. ECAJAKE...
Ecëm ...
Dhe përsëri ecim...
Në dy cepa të ëndrrës
Si somnambul...
Hetojmë shestimet e fjetura
Që ishin
Pakë amidone
Pakë të pista
Dhe...
Pakë çalamane
të kohës herezi
që kafshonin terrin
Edhe... më tutje...
Ecim... tok...
Unë e ëndrra...
7. TROKITJE
Tri herë trokita...
Në kafkën e globit
Dhe...
sa pak vend kishte ngelur
- për lumturi
dhe...
sa shumë vend kishte zënë
- dhembja
8. KODI I PRITJES
Imzot,
Pritjen më mësove Ti
Dhe thonjtë mi shndërrove në kandil të djegur
E para ëndrrës
Plazmoi malli
Fytyrë- zbehur të pikturova, mbrëmë
Pritja priti pritjen qaramane
Dhe pëlciti mollë e kuqe
Dhe çudi...
Sa kod të panjohur
Ka...Pritja...
9. MALLI
Sa shumë mall..
Sa pak oksigjen...
Për frymëmarrjen
Në stinën e djegur
Në ecjen vertikale
Në mëkatin e pa bërë
Në fushën me sanë shtruar
Të minuar... nga ofkëllimat...
Sa shumë lëngatë
Dhe... harroje..
Pritjen në katakomb
Dhe...
Harroje nusen
Me fustan ylberi
Të ngrirë në muranë
Të përgjumur nga tymtaja
Të skalpuar nga bisturia
E brinjëve tu...
Imzot...
Premtimin e dhënë
Harroje...
Siç e ke harruar...
Në një kohë tjetër...
... të paardhur.
10. Dëshmi
Pa argument
Mos më nxë rrugën
As mos më vargëto yllin polar
Se të gëlltisin pa mëshirë katallanët
Eh...
Të isha në një kohë tjetër
Do të tregoja se si mund të jetohet
Dhe të të nxjerr nga vetja
Krejt këtë ëmbëlsi...
Dhe përsëri...
...përsëri
Hurbat e tua
Të kenë shije mjalti
Në buzët e thekura
11. MOS THUAJ KURRË MË...
Mos thuaj...
Se kurrë më...
Nuk do të vijë
Me rrjedhën e përroit vërshues,
Por... as me stuhinë
As me tiktakun tekanjozë
Të fanarëve të netëve të vonuara
Mos thuaj...
Kurrë më...mallkuar qoftë
Fjala e pathënë
Në ndarje...
Se përsëri... do të shihemi...
Në ditën tjetër...
8 Shkurt, 2010.
Prishtinë
Facebook
Twitter
Google+
Digg
Komentoni
Artikuj te tjere
Sarë Gjergji: Një jetë e bartur në libër
Ziko Ll. Kapurani: Vargje shuplake
Poezi nga Bajame Hoxha - Çeliku
Ramiz Dërmaku: Xhemail Mustafa
Cikël poetik nga Zyrafete Kryeziu-Manaj
Nga krijimtaria e autorit Eroll Veliu
Bilall Maliqi: Kohët i vargërove
Halit Bogaj: Çarli Çaplini (1889-1977)
Monica Mure?an: Nën dritën e magjisë
Begzad Baliu: E mora me dhimbje dhe pikëllim vdekjen e papritur të shkrimtarit Avni Mula
Demir Krasniqi: Varrosje për së gjalli
Xhafer Leci: Telegram ngushëllimi - Familjes te Xhelil Pajazitit
Kalosh Çeliku: Vdekja më deshi më pak se Ti (Cikël poetik)
Përparim Demi: Mendime mbi vlerat kombëtare dhe lidhjet rumuno/shqiptare
Luan Çipi: Para një fotoje dalë boje
Sokol Demaku:Nje doracak imireseardhur per atdhetaret ne Suedi
Halit Bogaj: Çarls Bronson (1921-2003)
Agim Gashi: Kënga e spitalit
Arsim Halili: Intervistë me Lulzana Pajaziti -poete
Ferit Ramadani: Talenti krijues! (II)
Gallery
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
