Demir Krasniqi: Tajar Zvalani
| E Enjte, 13.07.2017, 07:10 PM |

TAJAR ZAVALANI

 

O  vëllezër  e motra , kudo që jetojmë –

Tajar Zvalanit , një këngë t’ ia këndojmë !

Veprat atdhetare , ne  do  t’ ia kujtojmë –

Ndër brezat shqiptare kurrë mos ta harrojmë !

 

Aty ku shkrepë Dielli rreze ma së miri –

Aty rreth Dragorit , shtrihet Manastiri !

N’ qytet t’ Alfabetit plot gëzim e hare –

Lindi nëna shqipe një foshnje të re !

 

Nëna e  përkundi  mbi djepin shqiptar –

Një djalë që e pagëzuan me emrin Tajar !

Nëna i këndonte  Tajar Zavalanit –

Rritu bir me fat , i bëfsh dritë Vatanit !

 

Tajar Zavalani , plot me  mençuri –

Për Atdhe , familje solli dashuri !

Intelektual , mbi trojet shqiptare ,

Dijetar i madh i kulturës kombëtare !...

 

Kishte vizione n’ përmasa t’ zakonshme ,

Krijues i devotshëm n’ masa t’ jashtëzakonshme !

Punoi edhe shkroi për të gjitha kohët ,

Për Atdheun e tij , s’ kursente as kokën !

 

Kudo shkrepte dritë , Tajar Zavalani –

Me zemër e shpirt , kulturë evropiani !

Mburrje , krenari , vlerë që rënd peshon –

Si  në letërsinë dhe kulturën tonë  !...

 

Gjithandej këtij globi ku ka shqiptari –

Ka qenë  penë e artë në  gazetari !

Diapazon t’ gjerë të diturisë  prore –

Përktheu vepra t’ ndryshme t’ letërsisë botërore !...

 

Tajar Zavalanit , bir  nga Manastiri –

Nuk i gjendet shoqi mbi këtë tokë Iliri !

Nuk i gjendet shoqi mbi trojet shqiptare –

Që ia ngriti famën  kulturës kombëtare !

 

26 vite qëndroi në Angli ,

Ku jehonte  fuqishëm ai zëri i tij –

Në valët e Radios  BBC ,

Fliste n’ gjuhën shqipe plot me krenari !

 

Jehonte fuqishëm zëri i Tajarit –

Ishte shkëlqyeshëm n’ profesion t’ gazetarit !

Nëpërmes të  valëve t’ Radios BBC –

Fliste shqip mes Londrës edhe  në Angli !

 

N’ vite  t’ komunizmit i anatemuar ,

Ishte i përbuzur edhe i harruar !

Me ia përmend emrin  kush nuk ka guxuar –

Si  me At Gjergj Fishtën , që kishin vepruar !

 

Në Angli , sa ishte Tajari veprimtar –

Vitet  më të frytshme i kish  n’ artin letrar !

Aty e ka shkruar “Historinë e Shqipnisë” –

Që me mendje e penë mirë e ka ujdisë !

 

Derisa po punonte , atje në Angli –

Fuqishëm jehonte kudo  zëri i tij !

Jo vetëm në radio t’ Britanisë së Madhe ,

Por dhe n’ shumë  gazeta të ndryshme shqiptare !...

 

Tajar Zavalani nuk punonte kot –

Kishte të menduarit të pastër si lot !

Për një shtet t’ mirëfilltë , ai mendonte prore –

Të ketë elemente t’ kulturës perëndimore !

 

Shkrimet dhe mendimet me punë gazetare –

Shkruante në gazeta t’ ndryshme ndërkombëtare !

Janë  përmbledhë  n’ një vepër me një vlerë të madhe –

Për gjenerata t’ reja  në trojet shqiptare !

 

Tajar Zavalani , nuk e kishte dert –

Demokrat në shpirt , gjithmonë i sinqertë !

Problemet që ndodhnin n’ rruzullin e kësaj bote –

Gjithmonë i përcillte  me zgjuarsi t’ pa shoqe !

 

Atdhetar i madh edhe mendimtar –

Me dije të mprehta , ishte ky  shqiptar !

Horizont të gjerë  kishte n’ dituri –

Me shprehje  të mprehta në  gazetari !

 

Synimi i tij , gjithmonë kishte n’ plan –

Që shqiptarët  ta kemi një Atdhe evropian !

Një demokraci ta gëzojnë shqiptarët prore –

Me  mentalitet t’ kulturës  perëndimore !

 

Gjatë gjithë jetës së tij , kudo që ka punuar –

Nuk ka lanë problem shoqëror pa e shtjelluar !

Shëmbëlltyrë në artin e gazetarisë –

Mendimtar modern nga bota e shqiptarisë !

 

Tajar Zavalani , shëmbëlltyrë e madhe –

Atdhetar me ndjenja të forta kombëtare !

Ka  ndërruar jetë  në moshën 63 vjeçare –

Për t’ mos u harruar ndër trojet shqiptare !

 

Gjilan, më 28.06.2017.       Demir KRASNIQI



(Vota: 2 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: