E marte, 19.03.2024, 04:29 AM (GMT)

Kulturë

Sevdail Hyseni: Rama në qiell!

E marte, 23.07.2019, 07:00 PM


Parodi

RAMA NË QIELL.!

Ngjitet ngadalë qiellit përpjetë

Rama i njohur sikur “Profet”,

Të bisedojë me Perëndinë

Për Luginë...

Me të arritur në majën e lartë,

I dridhen këmbët, ndjehet pa fat,

Dhe Perëndia i flet prej një reje

Me zë rrufeje:

"Ti dhe të tjerët, shkofshi n’ mallkim,

Me Kosovën nuk keni bashkim!

Skllevër, bijë-skllevërish, s'e meritoni

Se liri s'doni!"

Ramë “Profetit” dita i ngryset

Dhe shpirt-këputur përdhe përmbyset,

Me lot në sy, me zemër të ngrirë

I lyp mëshirë!

Pse kaq gjatë, Zot, m' arratise,

Pse më përplase, më katandise,

Pse shpresën kaq vjet ma ushqeve,

Dhe sot ma preve?!

"Ma jep Kosovën me gjithë Luginë?"

"Shiko, i tha, si në syprinë",

Së largu Zoti ia pasqyron,

Dhe e shikon...

Ja Prizreni, ja Mitrovica,

Bjeshkët e Nemuna e Çiçavica,

Lum’ i Moravës, Malisheva,

Dhe Presheva.

Shoh perspektivën, kujtoj djalërinë

E lum Kosova për Shqipërinë,

Atje sa bukur, këtu sa zi,

O Perëndi!

Këndej ke dimër, andej pranverë,

Kërkoj parajsën, vdes në skëterrë;

Ajme, sa vrer, sa keq e sa zor,

Liberator!

Sevdail  Hyseni

(Parodi sipas poezisë së Fan Nolit “Moisiu në Mal”)



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora