Demir Krasniqi: Dëshmori i kombit Ismajl Ismajli

Dëshmori i kombit Ismajl Ismajli

-Teksti , muzika dhe interpretimi : Demir Krasniqi –

Hej , hej , hej , hej !

Më datën 11 Maj  të  vitit ’99 ,

U hap lajm i hidhur në të  katër anë –

Ra dëshmor luftëtari  Ismajl Ismajli ,

Për liri t’ Kosovës , ai  jetën e fali !

Refreni :

Hej ! Sot mburret  Rugova , Llapi  e  Gollaku ,

Mburret mbarë Kosova , Drenica  e  Kamenica –

Për këtë trim të luftës , që s’i  hahet  haku ,

Që  e lindi nëna , e  rriti  Kopërnica !

Hej, hej, hej, hej !

Atdhetar shëmbëlltyrë , trim Ismajl Ismajli –

Luftëtar , krenar , biri i  shqiptarisë !

Deri sa ke gjallë , luftën kurrë  s’ e  ndali –

Heroikisht ka ra n’ altarin e lirisë !

Hej, hej, hej, hej !

Për liri t’ shqiptarëve gjithë  duke luftua –

Ismajlit , asnjëherë syri  nuk iu tremb !

Asnjëherë në jetë , ai  nuk u gjunjëzua –

Përpara  armiqve  okupatorë  serb !

Hej, hej , hej, hej !

Ismajlin e kish rritë nëna e vet  malësore –

Plot guxim , trimëri e atdhetari !

Ai , nuk i  duronte  shumë  vrasje  mizore –

Që ia  bënin serbët popullit të tij !

Hej, hej, hej , hej !

Ismajl Ismajli ishte luan i vërtetë –

Ndaj armikut serb –  okupator  shekullor !

Punoj e luftoi për të gëzuar  jetë –

Dhe për komb të  vet , ai ka  ra dëshmor !

Hej, hej, hej , hej !

Dëshmori i kombit , trim   Ismajl Ismajli –

Gjaku i tij shndriti  dritë  lirie e  Kosovës !

Popullit t’ Kosovës , jetën ia fali –

Që të  jenë të  lirë si  gjithë  popujt e botës !

Hej, hej , hej, hej !

Dëshmori  i kombit , trim  Ismajl Ismajli ,

Shkruante parulla kudo  në çdo cep :

“Lirinë  dhe  Kosovën , kurrë  nuk do t’ ia fali ,

Okupatorit kasap , gjakpirës  serb !”

Hej, hej , hej , hej !

Dëshmori i kombit , trim  Ismajl Ismajli ,

Për liri t’ atdheut ishte luftëtar i rrallë !

Për trimëri dhe forcë e dallonte ideali –

Dhe s’ kishte  pengesë që mund do  ta ndalë !

Hej, hej , hej , hej !

Ismajl Ismajli , fliste me një gjuhë dyfish –

Me regjimin serb , nuk  pajtohej  kurrqysh :

“M’ kanë lënë amanet Babë , Babagjysh  e  Katragjysh –

T’ mbrojë nderin , moralin , pragun e shtëpisë !”

Hej, hej , hej , hej !

Ismajli  para  vdekjes , u tregua trim –

Për armikun serb  la një porosi të vonë :

“Unë , sot po lindi për popullin tim ,

Ndërsa , ju  o serb , do t’ vdisni përgjithmonë !”

Hej, hej , hej , hej !

Për gjithmonë  do ta kujtojmë emrin e Ismajl Ismajlit ,

Mundin nuk do t’ia harrojmë këtij kolosi të lirisë –

Do ta  mbajnë me nderë  shkollat ,  rrugët e malit ,

Me respekt dhe mburrje , lavd  të krenarisë !

Hej, hej , hej , hej !

I qoftë  lehtë dheu i Kosovës , t’ prehet qetë trupi i  dëshmorit ,

Kolosit , vizionarit , krenarit dhe luftëtarit !...

Trimit të pa epur për liri  t’ shqiptarit  –

Dëshmorit të kombit  Ismajl Ismajlit !

Më 11 Maj 2019 .

Demir Krasniqi