Kozeta Zylo: Presidentja e Kosovës znj. Osmani nderon figura të shquara të Mërgatës në Amerikë

Presidentja e Kosovës znj. Osmani nderon figura të shquara të Mërgatës në Amerikë

Nga Keze Kozeta Zylo

Veprat tuaja nuk janë vetëm në arkivat e historisë, por në vetë themelet e shtetit tonë. Ju jeni dëshmia e gjallë se mërgata është shtyllë e fuqishme e Republikës që e gëzojmë sot. V.Osmani

Më 12 korrik 2025, në Manhattan në kryeqendrën e botës në Restorantin “Club A Steakhouse” që shërben si Ambasadë Kombëtare për gati gjysmë shekulli, presidentja e Kosovës znj. Osmani nderoi disa nga figurat më prominente të Mërgatës në Amerikë.

Mjedisi i veshur në kuq e zi dhe mikpritja e jashtëzakonshme e gjithë stafit të Presidentes Osmani dhe të zotërve të shtëpisë si zonja fisnike dhe humane Kumrije Selimaj dhe Bruno Selimaj i dhanë fillimit të ceremonisë një atmosferë të ngrohtë, si mikpritja bujare në odat e Kosovës.

Ardhja e Presidentes së Kosovës u mirëprit me duartrokitje nga të gjithë të pranishmit në sallë.

Fjala e zjarrtë e Presidentes Osmani me një gjuhë të pastër dhe elekuente na bënte të ndiheshim krenar dhe ta dëgjonim me vemendje vlerësimin e lartë isntitucional që i bëri Mërgatës, punës së saj të jashtëzakonshme, luftës me armë dhe penë, përpjekjeve të mëdha për Pavarësinë e Kosovës.

Në fjalimin e saj midis te tjerash theksoi se: “Mërgata shqiptare në Amerikë u bë zëri i besës dhe i shpresës për popullin shqiptar në Kosovë, gjatë viteve të 80-ta dhe 90-ta, kur qenia shqiptare në Kosovë rrezikohej nga regjimi shtypës e gjenocidal i Millosheviqit.

Fjalimi i saj u ndërpre disa herë nga të pranishmit për mesazhet e fuqishme dhe frymëzimin që ngjalli tek të pranishmit si psh në fragmentin: “Proceset, që nga përpjekjet për Çlirim e deri te shpallja e Pavarësisë, që nga ndërtimi i demokracisë deri te forcimi i shtetit tonë në arenën ndërkombëtare e mbajnë vulën e mërgatës sonë në Shtetet e Bashkuara të Amerikës”.

Duke e dëgjuar dhe miratuar fjalimin e saj do të më mbeten në mendje përgjithmonë mesazhi se “Janë disa njerëz që kurrë nuk kërkojnë lavdi, por me veprat e tyre ata ia japin lavdinë Atdheut”.

Dhe kështu ishin shumë prej tyre nëatë dite ceremoniale të cilët kanë punuar fort, fort pa kërkuar lavdi, pa kërkuar dekorata, por ndjenin nga afër në rrembat e gjakut se Atdheu i thërriste në Luftë për Pavarësinë e Kosovës. Në shekuj shqiptari ka luftuar për Liri, në shekuj shqiptari ka derdhur gjak për Pavarësi.

Si emigrante e ardhur në tokën e premtuar kurrë nuk do t’i harrojmë demonstratat e bashkëkombasve, editimet profesionale me netë të tëra, kamerën duke filmuar dhe fotografuar duke e mbajtur mbi supe pa u hequr me orë të tëra nga Qemali si themelues dhe producent i TV “Alba Life”, përpjekjet, reportazhet, esetë, lotët, takimet me luftëtarët, heroinat, të përdhunuarat e luftës, urrejtjet tmerruese të serbëve, kërcënimet, debatet nëpër auditore me serbofilët, komentet e verbëra në rrjetet sociale, armiqtë e Kosovës nëpër shkrimet tona, qëndrimet, zgjimin, njohjen e cështjes së Kosovës me Kongresistë, Senatorë etj. Asnjëherë nuk kemi ndaluar në Amerikë me mësueset e nderuara të rrjetit më të madh të Shkollave Shqipe “Alba Life” Ambasador i Kombit në Diasporë për Gjuhën Shqipe, Identitetin tonë Kombëtar.

Me ndarjen e dekoratave nga Presidentja Osmani ajo dëshmoi dhe njëherë në fjalën e saj se me ndarjen e këtyre dekoratave presidenciale, dokumentoi përjetësisht kapitujt më të lavdishëm të historisë sonë, të shkruar nga njerëz të zakonshëm që kanë bërë vepra të jashtëzakonshme.

Personalitetet e shquara të Mërgatës në Amerikë që u dekoruan ishin:

Ilir Zherka, Urdhri i Pavarësisë/ Bruno Selimaj, Urdhri “Hasan Prishtina”/ Mark Gjonaj – Urdhri “Hasan Prishtina”/ Rexhep Balidemaj, Urdhri “Hasan Prishtina”/ Demë Balidemaj, Urdhri “Hasan Prishtina”/ Ekrem Bardha, Urdhri “Hasan Prishtina”/ Rrustem Ibraj, Urdhri “Hasan Prishtina”/ Riçard Llukaj, Urdhri “Hasan Prishtina”/Avni Mustafa, Urdhri “Hasan Prishtina”/ Haxhi Dauti, Urdhri “Hasan Prishtina”/ Halil Mula, Urdhri “Hasan Prishtina”/ Luz Thaçi, Urdhri “Hasan Prishtina”/ Ramazan Bekteshi, Urdhri “Hasan Prishtina”/ Dr Tahir Kukaj, Urdhri “Hasan Prishtina”/ Rrustem Gecaj, Urdhri “Dr Ibrahim Rugova”/ Prof. Sami Repishti, Urdhri “Dr Ibrahim Rugova”/ Serxho Bytyqi, Urdhri “Dr Ibrahim Rugova”/ Sabit Bytyqi Urdhri “Dr Ibrahim Rugova”/ Osman Osmani, Urdhri “Dr Ibrahim Rugova”/ Agim Aliçkaj, Urdhri “Dr Ibrahim Rugova”/ Dom Pjetër Popaj, Urdhri “Dr Ibrahim Rugova”/ Fadil Berisha, Medalja Presidenciale e Meritave/ Shqipe Malushi/ Medalja Presidenciale e Meritave/ Kozeta Zylo, Medalja Presidenciale e Meritave/ Drita Gjongecaj, Medalja Presidenciale e Meritave/ Lumi Hadri, Medalja Presidenciale e Meritave/ Shqipe Biba, Medalja Presidenciale e Meritave/ Vehbi Bajrami, Medalja Pres

Ndërsa dëgjoja emrat midis të dekoruarve dhe disa gra në sy kishja ngazëllimin e një prej aktivisteve të shquara të komunitetit, humanisten e madhe që ka ndihmuar pa kushte znj. Gena Bajrami menaxheren e gazetës së mirënjohur “Illyria” e cila e vlerësoi lart punën e zonjave të nderuara në Mërgatë për kontributin e pashoq në Pavarësinë dhe Çlirimin e Kosovës. Krenare që midis personaliteteve të shquara ishin dhe disa gra shume të devotshme si Shqipe Biba, Shqipe Malushi, Lumi Hadri etj. të cilat kanë një jetë në shërbim të Kombit. Në lidhje me figurën e gruas kujtoj takimin në vitin 2007, në vitin e Lirisë në Prizren me Imzot Dom Lush Gjergjin i cli tezën e doktoraturës e kishte mbrojtur me temën: “Roli i gruas shqiptare”.

Midis të tjerave në bashkëbisedimin tonë nga ky libër ai shkëputi këtë pjesë:

“Burri i thotë gruas: - unë jam koka jote!

-Kush e mohon i thotë gruaja, edhe unë jam qafa jote, që e kthej ku të dua unë”.

Pra pa gruan bota do të ishte si nata pa Hënë.

E natyrshëm siç thotë shkrimtarja e famshme Maya Angelou do të doja të njihesha si një grua inteligjente, një grua e guximshme, një grua e dashur, një grua që mëson duke jetuar.

Bekuar qoftë Amerika që na hapi dyert e zemrës dhe të shpirtit, eci krah nesh në këtë udhëtim historik dhe bëri të mundur të fitonim përjetësisht Pavarësinë e Kosovës sonë martire.

Lavdi UÇK-së dhe gjithë Kosovës!

Pas ceremonisë së dekorimeve z. Bruno Selimaj ky bir gjeneroz i Kombit shtroi drekë në restorantin e famshëm me të dekoruarit ku mori pjesë dhe Presidentja Osmani. Dreka kaloi në një atmosferë të ngrohtë miqësore dhe bashkëisedim me pyetje nga të pranishmit dhe përgjigje nga Presidentja Osmani rreth cështjes së Kosovës dhe të Kombit.

Kurrë nuk është mjaftueshëm për të punuar për Kombin, prandaj ky vlerësim është vetëm punë më shumë dhe përpjekje deri në frymën e fundit.

Faleminderit Presidente Osmani!

Faleminderit Kosova jonë!

12 Korrik, 2025

Manhattan, New York