E shtune, 15.06.2024, 05:00 AM (GMT+1)

Kulturë

Tahir Bezhani: Vuajtja e ka heshtjen e gjatë

E hene, 12.02.2024, 08:50 PM


Tahir Bezhani:

VUAJTJA E KA HESHTJEN E GJATË...

Ecin ditët  ngadalë

Zvarriten ngricave të dimrit

Të heshtura mes peshës së vetmisë

Si akujt strehëve të shtëpisë

E  shpirti  psherëtinë

Asnjë fjalë nuk klithë goja

Në këtë zbrazësi jete

Frymëmarrja gërhanë lëshon në qetësi

Gjithandej përplasen dëshirat

Të rrjepura therrnajave të trishta

E, ec e folë

Edhe  nëse guxon

Shtrembër rrëshqet tehu i fjalës

E në shtrat merimangash varet kuptimi

Mendimet bëhen çues çerepi

E fjala si  gacë prushi

Tenton për ngrohje shpirti

Në këtë zbehtësi kohe që lëngon

Nuk dëgjohet kënga e as hareja

Janë ndry telat e çiftelisë odave

Qyteteve dëgjohet zhurmë e autobusëve

Lartësive shikojmë qiellin

Aeroplanët kur fluturojnë

Zgjue bletësh pistave të aeroporteve

Metropoleve të botës

Me dy gishta përshëndetemi

Me njëri tjetri si puthje

E një Zot e din se ku takohemi tjetër

Në tryezë buke apo në rreth një  sofre,

Fare lehtë ndodhë,

Edhe në lamtumirë te një varr

Vuajtja e ka heshtjen e gjatë

E dënesjës

Me shekuj nuk i mbaron rrugëtimi

Kjo  dëshmi loti si lapidarë

25 janar 2024



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora