Hasan Hasanramaj: Librat e ëndrrave kurrë nuk shkruhen deri në fund

Shkrimtari Sejdi Berisha - autor të 32 e më shumë veprave letrare

Librat e ëndrrave kurrë nuk shkruhen deri në fund ...

Shkrimtari dhe publicisti Sejdi Berisha, për veprimtarinë e tij të suksesshmet vite të tëra u nderua me mirënjohje dhe çmime të shumta, në Kosovë,  në Shqipëri, në Diasporë që lirisht mund të thuhet se këto ishin vitet e sukseseve  me të mëdha, të plota dhe të mirëfillta të letrave shqiptare dhe të kulturës kombëtare përgjithësisht. Kurse, krijimtarinë e tij letrare që e ka të përjetësuar në tridhjetë e dy e me shume vepra nga fusha të ndryshme do shumë kohë të shkruhet për to ...

Nga Hasan Hasanramaj

Seria e sukseseve të shkrimtarit dhe publicistit, Sejdi Berisha nuk pushojnë. Ai gjatë karieres  së tij letrare ishte pjesëmarrës  në Takimet tradicionale Ndërkombëtare letrare. Ky krijues, u nderuar të vlerave shpirtërore, kulturore dhe historike të qyteteve tona.  Në këto manifestime letrare prestigjioz, shkrimtari dhe publicisti i mirënjohur, Sejdi Berisha u nderua me çmimin për poezinë më të mirë të botuar në librin antologjik të poezisë “Nga gjerdani kombëtar” në të cilin libër ishin prezantuar shtatëdhjetë krijues-poetë nga të gjitha trojet shqiptare, e që ishte botuar pikërisht në 70-vjetorin e punës së Bibliotekës Rajonale të Prizrenit, e cila edhe është biblioteka më ë vjetër në Kosovë. Janë edhe shumë mirënjohje dhe suksese të tjera të krijuesit gjatë vitit kaluar, që lirisht mund të thuhet se ishte pothuaj vit i sukseseve të plota të këtij punëtori të mirëfilltë të letrave shqiptare dhe të kulturës kombëtare përgjithësisht. Kurse, të flasësh për krijimtarinë e tij që e ka të përjetësuar në tridhjetë e dy e më shumë vepra nga fusha të ndryshme do kohë.

Libri i ëndrrave kurrë nuk shkruhet deri në fund, dhe as që mund të bëhet një gjë e tillë ...

Por, synimi i tillë vetëm provokon për rrjedhën e pashkëputshme të vargëzimit, edhe atëherë kur mendimi nuk zbret në letër, por ngelet brendapërbrenda vetvetes apo në skutat e ndijimit dhe të atyre dhembjeve të çuditshme. Në këtë mënyrë, vargu rrëshqet jashtë binarëve të frenimit të mendimit e të kuptimit, i cili, nganjëherë rrjedhë drojshëm edhe në vetë autorin, edhe në vetë poezinë, të cilat bashkërisht “çmendin” lexuesin për ta nxjerrë e përqafuar mendimin e vetë por edhe të poetit, për t’i bërë ata dy faktorë që kuvendojnë e polemizojnë në mes vete, gjithnjë për ta krijuar e sforcuar imazhin e katrahurave të jetës dhe të përplasjeve të domosdoshme të saj.

Vepra me titullin “Gjethe e hirta të zemërimit”  është  e 32-të  e më shumë vepra me radhë, dhe e katërmbëdhjeta me poezi, e këtij krijuesi dhe punëtori të mirëfilltë të vlerave shpirtërore, historiografike, letrare, kulturore dhe kombëtare. Libri, ”Gjethet e hirta të zemërimit”, është një vepër e veçantë e këndimit poetik, përmes së cilës, autori, lexuesve ua ofron  një hartë të vargëzimit, e cila hapë rrugë nga më të ndryshme të mendimit, të përjetimit dhe të këndimit poetik. Pikërisht për këtë arsye, ja se çfarë shkruan autori në fillim të librit:

“Në derën tonë

Kurrë të mos trokasim

Sepse shtëpia na bëhet e huaja

Sot ndoshta aktuale

Ndoshta banale

Unë, nuk e di...!

Mullinj është jeta...”

Kjo formë e veçantë e shtruarjes së ndijimit shpirtëror aq “okupues”, në çdo moment, çdo varg, çdo poezi e shndërron në kuvendim shpirtëror, të arsyes dhe të njerëzores, gjë e cila domosdo, në të njëjtën kohë sjellë lumturi, dhembje, mall e krenari për çdo gjë që njeriu hasë gjatë rrugëtimit jetësor.

Këto komponentë apo ide  të jetës, në librin “Gjethet e hirta të zemërimit”, pikasin ngacmimin e mendjes dhe të arsyes për labirintin jo vetëm të thjeshtë, por edhe filozofik të jetës në përgjithësi. Andaj, tek secila poezi e shkruar nga Sejdi  Berisha mund të hasësh stacionin e ndaljes së detyrueshme, me qëllim për ta provokuar dhe aktivizuar mendjen dhe arsyen, ngase, edhe kur ecën dhe zhvillohet si formulë, jeta asnjëherë plotësisht nuk ka rregulla të rrjedhave, dhe pikërisht për këtë arsye dhe në këtë mënyrë, bëhen madhështi, dhembje, krenari, mbase edhe lot e këngë shkrirë në një.

Kjo, djegë e përcëllon, por njëherësh edhe begaton arsyen  për të dashuruar dhe vetëm për të dashuruar, edhe atëherë kur njeriu gjendet brenda rebusit të shfrenimit dhe të zemërimit të paarsyeshëm të tij.

Për këtë, autori i ynë i mirënjohur Sejdi Berisha  thotë: Libri i ëndrrave kurrë nuk shkruhet deri në fund, dhe as që mund të bëhet një gjë e tillë. Por, synimi i tillë vetëm provokon për rrjedhën e pashkëputshme të vargëzimit, edhe atëherë kur mendimi nuk zbret në letër, por ngelet brendapërbrenda vetvetes apo në skutat e ndijimit dhe të atyre dhembjeve të çuditshme. Në këtë mënyrë, vargu rrëshqet jashtë binarëve të frenimit të mendimit e të kuptimit, i cili, nganjëherë rrjedhë drojshëm, edhe në vetë poezinë, të cilat bashkërisht “çmendin” lexuesin për ta nxjerrë e përqafuar mendimin e vetë por edhe të poetit...

Prandaj, këtë formë të vargëzimit, autori e lançon edhe si karrem për ta kapur, kuptuar dhe për ta luftuar të keqën, si “bagazh” apo barrë te të gjitha dukurive të thellësive shpirtërore mbase edhe greminave, dhe kështu u rri kujdestar, ndoshta jo gjithherë për t’i zgjidhur dhe lumturuar ato. E që jo rrallë, janë “stoli” e petkut të shëmtisë të jetës së njeriut. Në këtë aspekt, sikur shumë shpjegojnë edhe titujt e kapitujve ciklikë  veprës “Edhe kështu këndohet”, “Në atë ishullin tim të vetmisë”, “Mos besoni se këto vargje unë i kam shkruar”, “Vrapim malli”, “Shprushje nëpër dhembjet e mia” dhe, “Babai, në grusht mbante lotët e mi...!”.

Kur njeriu e lexon me vëmendje këtë dhe veprat tjera, sikur na bëhet se këto gjashtë njësi ciklike, librin e shndërrojnë në një si glob  bote të historisë së jetës dhe të gabimeve, mëkateve e te të mirave të saj, me të cilat lufton e përthuret mendja dhe arsyeja e veprimi i vetë njeriut, e të cilët faktorë, jo rrallë vërehen si gjera të ndrydhura, herë me dashjen e herë pa dashjen e njeriut. Andaj, zemërimi si fenomen jo i rrallë i tërësisë së rrugëtimit poligrafik të jetës, reflekton si një qortim mbase edhe si këshillë filozofike, gjë e cila ndoshta, nganjëherë na duket si diçka e dalë nga toka apo e zbritur nga lartësitë e qiellit, si ndonjë shpëtimtar i së mirës por edhe si “shpëtues” i çelësit për hapjen e asaj kështjellës së ndërgjegjësimit dhe të vetëdijesimit, gjëra këto, që si duket, autori i konsideron më shumë tash si aktuale se sa në kohërat e para ndoshta disa deceniesh apo shekujsh. Libri “Gjethet e hirta të zemërimit”, të autorit Sejdi Berisha, ka peshë e sublimë të njerëzores, të mesazhit e të metaforës së mbrumur me mendimin filozofik, dhe si e tillë konsiderohet vërtetë një dokument i veçantë poetik, letrar dhe intelektual i vlerave krijuese letrare kombëtare.