Dedë Preqi: Pa Veriun Kosova do lëngojë

NËSE VERIU  DO TË DEVIJOJË, KOSOVA  PËRHERË  DO TË LËNGOJË

Nga Dedë Preqi

Nesër, do të bëhët vonë, nëse dikush mendon me kërkuar falje për bisedimet  dhe devijimet politike në mes Kosovës dhe Serbisë, për qështjen e Veriut të Mitrovicës.

Bisedimet të cilat po i zhvillon Kosova, gjegjësisht kryeministri Thaqi, me kryeminstrin serb Daçiq, për qështjen e veriut të Kosovës, ende nuk është e njohur rruga  e qëllimëve të tyre, dhe popullata  kosovare, nuk është e kënaqur me opinionet e kryeministrit të vendit, sepse vet populli është dhe duhet të jetë qelsi i  këtyre marrëveshjeve përfundimtare.

Janë opinione shumë interesante, ato që vijnë nga kryministri  Thaqi, dhe kryeministri i Serbisë Daçiq, që në një takim të njëjtë, na dalin opinione të ndryshme, dikush këtu, po mundohet të manipoloj me popullin e vet, kur njëri dhe tjetri shprehin mendime të kundërta, me vlerësime  të favorshme ndaj anës së vet, që në realitet gjërat qendrojnë ndryshe, sidomos të anës kosovare, të cilat opinione janë vetëm formale, dhe ato  përpunohen pak kohë, mandej dalin në opinion apo  prezentimi i tyre në Parlament , dhe sipas Thaqit  thuhet se, sëcili dialog është një  ballafaqim i favorshëm, veqanarisht për palën kosovare, ndërsa,  realiteti qëndron ndryshe, kur deri me tani  nuk është afruar asnjë rrugëzgjidhje, apo marrëveshje  në as një takim, dhe pala  serbe nuk ngutet, duke parë se gjithçka  po shkon në favor të saj, duke ditur se ajo asgjë nuk po humbë…

Nuk është e quditshme, nëse Kosova në këtë rast mund të tradhëtohet, ndoshta edhe nga ana ndërmjetësuese, sepse një Dokument i draftmarrëveshjes  10 pikëshe bëhët nga ana e Serbisë,  njëherazi edhe  nga ana evropiane është Drafti i marrëveshjes 8 pikëshe, kurse , ana kosovare nuk ka asnjë kusht dhe asnjë draft të marrëveshjes, vetëm pret, që aminin t’ia  bëjnë të tjerët, në tavolinën e Baroneshës Ashton, ndonëse qëllimet Evropiane janë, vetëm të anashkalohen konfliktet dhe të përcaktohet çdo lloj marrëveshje, edhe nëse njëra palë dëmtohet, që në këtë rast është Kosova dhe shteti i saj.

Asociacioni i komunave të veriut, që kërkon Serbia, është jo vetëm mundësi, por realitet i qëllimëve të palës serbe për bashkimin e këtyre komunave në një rajon të përbashkët dhe të pavarur, apo në formën  e një „autonomie“ ,  ashtu,  siq është modeli  i Tirollit në Jugun e Austrisë.

Komentet e Kryeministrit Thaqi, janë komente të ndërlikuara dhe jo bindëse për popullin e Kosovës, sepse  diçka po zihet në kazanat e kësaj politike dhe populli nuk po njoftohet dhe konsulltohet me kohë, kurse  mediat e dy palëve dhe ato evropiane, po i stërmbushin raportet e tyre, të cilat më shumë u ngjajnë  politikave  ditore, se janë afër  substances reale, prandaj kjo sjellje  e kryeministrit të vë në dyshim për një sjellje më shumë të një retorike dhe ndikimi të fjalëve , se sa diçka efektive dhe në favor të Kosovës.

Në këtë rast për qështjen e veriut, nuk është i nevojshëm inkurajimi, sepse treni e ka shancën vetëm këtë herë të qarkullojë nëpër këtë rrugë dhe asnjëherë tjetër, dhe në këtë rast sëcili duhet ta pyeste vetëvetën- çfarë humbjesh dhe çrregullimesh do të ketë shteti i Kosovës, nëse në këto negociata veriu i Kosovës do të devijojë, atëherë është vonë të kuptojmë, kur Kosova përherë do të lëngojë.

Dhuna e ushtruar prej pushtetit serb në Kosovë nuk ishte e rastit, por e paramenduar dhe mirë e planifikuar, prandaj Bashkësia Ndërkombëtare dhe BE-ja, duhet ta kuptojnë dhe studiojnë sikur në  vet  familjet e tyre , në mënyrë që  krimi  i shtetit serb  të denohet njëherë, sikur që janë dënuar  edhe krimet tjera, apo ato hitleriane,  dhe jo sikur po ndodh tani  me Serbinë, që Evropa,   në vend të dënimëve po e gradon krimin dhe kriminelët.

Me fjalë të tjera, nuk mund të llogaritët që me 2 prill, me rastin e takimëve të dy kryeministrave, të vendoset fati i veriut të Kosovës, sepse përcaktimet e një parimi nuk mund të bëhën përmes një date, apo një afati të caktuar, duke ditur se këtu vendoset fati i një shteti dhe një populli me shekuj të shekujve.

Konsiderojmë se marrëdhëniet në mes Kosovës dhe Serbisë, dhe cilit do vend tjetër, duhet të jenë në fuksion të interesave afatgjata të këtyre  vendeve,  por edhe në interes dhe funksion të zhvillimit të kombësisë shqiptare dhe shtetit të Kosovës.