Demir Krasniqi: Gurë u bafsha

GURË U BAFSHA

Gurë i zi , unë, u bafsha ,

N’ fund të detit , unë, rafsha ,

Ditë të bardhë , unë, kurrë mos pafsha ,

Në  më dash  , e mos të dasha !

Dashuri, moj dashuri ,

Ç’i jep shpirtit lumturi ,

Ç’ i jep  zemrës pasuri ,

Ç’i jep  syrit  bukuri !...

Bukë as kripë , unë , mos kërkofsha ,

Kurrë pranverë , unë , mos shijofsha ,

Dheun e varrit e kafshofsha  –

Mos të dasha , n’ të tradhtofsha !

Pa ty – shpirti s’ ka  ushqim ,

Pa ty – zemra s’ ka  gëzim ,

Pa ty – sëmundja s’ ka shërim ,

Pa ty – jeta s’ ka kuptim !

T’ keqën ty, në ta mendofsha –

Gjithmonë qafsha –  kurrë mos këndofsha !

Bukurinë , ty, mos ta çmofsha  –

Të dy sysh , unë, u qorrofsha  !

            Pa ty –  kopshti s’ ka lulëzim ,

            Pa ty –  fusha s’ ka blerim ,

            Pa ty –  qielli s’ ka kaltërim ,

Pa ty – dielli s’ ka ndriçim !

Gjilan, më 30.11.2011.      Demir KRASNIQI