Vullnet Mato: Monstrat e sotme

Vullnet Mato

MONSTRAT E SOTME

(Pas lajmeve tronditëse të mediave)

Bija ka shpëtuar babanë e burgosur

me qumështin e gjirit.

Babai ka shpëtuar vdekjen e bijës

me dhuratën e veshkës së trupit...

Ç’po na dëgjon veshi

e ç’ po na sheh syri,

me ndonjë shtazë të sotme,

që përdor bijën për grua të turpit ?!...

Po të caktohej gjyqtari prej poezisë

dhe për këta bastardë

juristi të isha, unë,

do ti varja

nga arganet e epsh - poshtërsisë

me të cilat bëjnë të fëlliqurën punë.

Por nëse Zoti vëzhgon

galaktikave nëpër botëra,

duhet t’i djegë për së gjalli

me zjarrin e ferrit këto monstra !...