Neki Lulaj: Poemë kushtuar Aksionit famëkeq të dhjetorit-janarit të vitit 1956

Neki Lulaj

Poemë kushtuar Aksionit famëkeq të dhjetorit-janarit të vitit 1956,i cili u zbatua vetëm për shqiptarët e Kosovës

AKSIONIT FAMËKEQ TË MBLEDHJES SË ARMËVE

Dhjetë dekada,

vuajtje e dhembje,

nën sundimin e sllavisë

ai ishte fati ynë i zi,

skëterrë, vuajtje e tmerr i Shiptarisë.

Satrapi nga ajo gjelathane,

ishte dekada e jonë e parë,

Aksioni i njohur famëkeq,

me shqiptarët silleshin keq,

e kërkonin armë.

Pushkë kërkonin,ata imbicida,

me do plane ogurëzeza,

për të hap një front të ri,

me qëllime të caktuara,

gjenocid mbi Shqiptari.

Ofshamë burrash,xhamë,

ofshamë bjeshkësh,heshtje ?

Ngrysje mendimesh

nga gjithë kjo padrejtësi,

nënat,nusët me zemra të thyera

i mallkonin ata korba të zi.

Ky ishte një aparat djallëzor,

nga një regjim kanibalist ,

ujqërit e etur për gjak shqiptari,

kundër neve që folnim shqip

e mbanim plis……!

Nga torturat e rënda mizore,

gjyshi im djesë pastë

keq pat pësuar,

kurrë nuk brita, “of” kurrë s`bëra

copat e mishit nga trupi për toke

mi patën gjuajtur, me sy i kam parë..

Burgu i Gurrakocit, famë keq,

ishte shëndrrue në kasaphane,

një qendër e turturës dhe çmendurisë,

një pushkë e ndryshkur vrastare,

në fshatin tim njëzetë herë është blerë e shitë…..!

Ishte shitë e blerë për dy Qe e dy Ogiq,

për ti shpëtuar burrat nga turtura,

këto ishin skenare të sllavisë,

për t‘i ndjekë, e ikë shqiptarët,

nga trojet e shenjta të Dardanisë.

Qenë turrur inbecidat mbi shqiptar,

me pretekstin e shizofrenisë

Aksioni për mbledhjën e armëve,

se kishin frikë nga djemt e Shqiptarisë

aresyetim qesharak i xhandarmërisë.

Atje thellë në burg të Gurrakocit,

në atë janar dhe në atë acar,

shkrihej akulli nga kërrbaq,

britma burrash e shtrëngim nofullash,

tortura çnjerzore mbi shqiptar .

Netët e dhembshme,me acar,

në atë dhjetor dhe në atë janar,

netë të zeza me torturë e me dajak,

nga shqiptarët kërkonin armë,

tragjedi pa dëshimtar.