Mendime
Hilmi Saraçi: Sistemi zgjedhor dhe zbatimi ligjor në shtetin e pavarur të Kosovës
E diele, 18.04.2010, 07:58 PM
Sistemi zgjedhor dhe zbatimi ligjor në shtetin e pavarur të Kosovës
Nga Hilmi Saraçi
Për zgjedhjet lokale dhe për ato qendrore janë bërë shumë fjalë, sidomos për zgjedhjet lokale gjatë vitit që lëmë pas dhe për zgjedhjet që presim të zhvillohen në të ardhshmen, qoft të parakohëshme, qoftë të rregullta . Në këtë fushë opozita gjithnjë është duke kërkuar që të mbahen zgjedhjet e parakohëshme për shkak të dobësive dhe parregullësive në Qeveinë e Kosovës. Mirëpo pa ndonjë dallim nga zgjedhjet për pushtetin lokal, zgjedhjet e ardhshme si lokale , ashtu edhe qendrore kanë një rëndësi të madhe për institucionet tona demokratike dhe shtetërore ..Problemet dhe mësimet që dalin nga përvoja e parë e zgjedhjeve, shihet se politika aktuale ka vullnet për të parë në të ardhshmen disa ndryshime në kodin zgjedhor , sepse në këtë fushë ka pasur paqartësi dhe parregullësi, prandaj është e nevojshme për të bërë disa plotësime dhe ndryshime në këtë fushë të rëndësishme për ndërtimin e institucioneve demokratike dhe shtetërore në Kosovë. .. Aktualisht vendi ynë në këto zgjedhje përdor sistemin propocional me lista të hapura , me një zonë zgjedhore, por të kofizuar në përfaqësimin e zonave të ndryshme të Kosovës në këto zgjedhje. Në këtë fushë gjithnjë ka probleme , sidomos më zgjedhjet në veri të Mitrovicës, respektivisht me strukturat paralele të dirigjuara nga Beogradi, të cilat që dhjetë vite veprojnë pa pengesa duke sjellur probleme në zbatushmërinë e ligjit dhe të kushtetutës në terë teritorin e Kosovës …
Megjithë kundërshtimet nga faktori ndërkombëtar dhe nga Qeveria e Kosovës, përfaqësuesit e serbëve të veriut gjithnjë shprehen të vendosur për mbajtjen e zgjedhjeve lokale në veri të Mitrovicës , nën organizimin e Beogradit. Ata mandje kanë caktuar 30 majin (2010) datën kur do të mbahen zgjedhjet lokale në veri të Kosovës. Ata (serbët) deklarojnë se tashma janë në përfundim të përgatitjeve . Atyre, ndërkaq nuk iu bëhet vonë dhe as nuk i vejnë veshin për daklaratat e përfaqësuesve nderkombëtar dhe vendor se ato zgjedhje janë ilegale …Organet tona shtetërore (Qeveria) duhet sa ma parë të jetë e gatshme për të ndërhyrë dhe për të ndërmarrë masa për pengimin e tyre, sepse mos parandalimi i këtyre zgjedhjeve i shton shpresat dhe apetitet serbe që ajo pjesë e veriut nuk i takon Kosovës. Ndryshe institucionet e Kosovës kanë parashikuar që brenda këtij viti të mbajnë zgjedhjet në veri (në komunën e re të Mitrovicës) e cila ka dalë si rezultat i planit gjithpërfshirës të Ahtisarit. Mirëpo serbët (organizatorët nacionalist dhe antishqiptar) janë të painteresuar të dalin në zgjedhjet që organizon Prishtina . Lideri i serbëve Oliver Ivaniviq kohë më parë ka deklaruar se asnjë qytetar serb nuk do t’i përgjigjet thirrjes së Qeverisë së Kosovës për këto zgjedhje …
Për një dialog praktik
Mbi të gjitha Kosova dhe Serbia janë dy shtete fqinjë dhe çdo shtet në botë ka një numër çështjesh praktike për t’i diskutuar dhe për t’i. zgjedhur. Në këtë fushë duhet sqaruar pa hezitim Beogradit se nuk do të lejojmë më tutje përzirjen në teritorin e Kosovës, në destabilitetin në këtë pjesë të teritorit të Kosovës dhe më gjerë . Për këto arsyera dhe për shumë të tjera nuk është e tepërtë që të bisedohet , jo vetëm për strukturat paralele, por edhe për të tjera: si për kufirin , doganat , gjykatat e deri të mjedisi, transporti e kështu me radhë , prandaj kurdo që të dyja qeveritë e dy shteteve janë të gatshme që të fillojnë këto diskutime praktike do të ndihmonin në zgjidhjen e këtyre problemeve praktike . Qeveria e Kosovës është për bisedime praktike me Serbinë. Ndërkaq sa i përket pavarësisë së Kosovës ajo është një fakt jetësor dhe gjithkush e di se kjo është e padiskutueshme dhe nuk do të ndryshojë përkundër përpjëkjeve dhe apetiteve të Serbisë e cila gjithnjë kërkon për një dialog rreth statusit të Kosovës…
Beogradi shpreson dhe insiston që pas vendimit të GJND-së të ritheksojë negociatat për statusin e Kosovës. Prishtina zyrëtare ka shprehur gatishmërinë të diskutojë vetëm për çështjet praktike , të interesit të dyanshëm që është një nga kriterët e antarësimit në BE. Kështu që të dyja shtetet, si Kosova ashtu edhe Serbia janë duke psuar dëme nga mungesa e komunikimit dhe e mirëkuptimit reciprok për zgjedhjet praktike në mes të dy shteteve . Serbia sikur nuk është e vetdijshme se në interes të saj është afria në mes të dy shteteve dhe pranimi i pavarësisë së Kosovës. Serbia si gjithnjë kundërshton pavarësinë e Kosovës .
Propoganda lobuese e Serbisë dhe angazhimi i pamjaftueshëm i Qeverisë së Kosovës në këtë fushë
Ajo (Serbia) në këtë fushë ka bërë dhe po bënë përpjekje të mëdha duke lobuar në shumë shtete të botës, me propogandën tashma të njohur në krye me Jeremiqin. Në këtë fushë Qeveria e Kosovës, respektivisht Ministria për Punë të Jashtme, sikur ka bërë pak në angazhimin në lobim, për pranimin e Kosovës si shtet i pavarur dhe Sovran. ,prandaj është dashur një organizim (lobim) i përhershëm dhë profesional me shtetet që ende hezitojnë që ta pranojnë pavarësinë e Kosovës. Nga kënvështrimi opozitar në komisionin për politikë të jashtme , segmenti i lobimit do të mbetet i mangët dhe se duhet në të ardhshmen një strategji lobimi i cili do të nënkuptonte përfshirjen e gjithë potencialit dhe resurësëve që mund të vihen në shërbim të lobimit. Këtu mendohet në kapacitetet që ka ministria në diplomacinë parlamentare , në diplomacinë publike , në diplomacinë që mund të krijohet nga diaspora në punën lobuese. Aksionet lobuese të Kosovës , në Evropë do të duhej të ishin shumë më të intenzifikuara , sidomos një angazhim i lobimit ndaj pesë shteteve të BE-së që nuk e kanë njohur Kosovën . Sipas rregullorës komisioni takohet njëherë në vjeshtë dhe njëherë në pranverë , çdo vit, dhe çdo vit tjetër , sipas nevojës, për të vërtetuar caktimin e gradave dhe për të shqyrëtuar ndonjë rast të shkeljeve . Në këtë analizë të punës do të përfshihen të gjithë ata që kanë marrë në dorë çelësat e diplomatëve .
Komisioni për punë të jashtme i Kuvendi të Republikës së Kosovës nga këndvështrimi i vet që ka në politikën e jashtme të Kosovës e ka hartuar një rregullore për formimin e grupeve të miqësisë në vendet e ndryshme si formë e intenzifikimit dhe të forcimit të diplomacisë parlamentare të shtetit më të ri në botë . Shtrirja e këtij veprimi ende është në fazën nismetare , ndonse ka dhënë rezultatet e para konkrete të ecjes përpara . Mendoj se komisioni deri më tash ka bërë një hap fillestar, duke u orjentuar në kërkesat që Kuvendi i Kosovës të krijojë raporte më specifike të interesave me parlamentet tjera , nëpërmjet të Kryesisë së Kuvendit të Kosovës…
Sa i takon diplomacisë parlamentare Kuvendi i Kosovës duhet të zhvillojë një diplomaci parlamentare aktive dhe zakonisht duhet t’u përgjigjet ftesave që vijnë nga institucionet e ndryshme homologe për vizita . Duhet të ndërtohet strategjia dhe Kuvendi i Kosovës të bëjë një diplomaci parlamentare , pra aktive , duke planifikuar edhe vetë vizita të ndryshme në parlamentet e botës , veçanërisht duke marrë parasysh nevojen për shtimin e veprimtarisë sonë për lobimet. Po ashtu Kuvendi i Kosovës, megjithatë , pavarësisht që Kosova nuk është antare e Këshillit të Evropës apo e Parlamentit Evropian , mendoj se ne duhet të gjejmë mënyra , të jemi present në seancat e rregulta vjetore të këtyre institucioneve e të tjera siq janë Asambleja Parlamentare e OSBE-së e tjera …
Mosfunkcionimi i gjykatave në Kosovë ka krijuar probleme në ndërtimin e shtetit demokratik dhe të pavarur
Mosfunkcionimi i gjykatave në Kosovë, sidomos në veri të Mitrovicës që ka natyrë politike , ka krijuar probleme të mëdha në ndertimine shtetit demokratik të Kosovës, në terë teritorin e saj. Mirëpo mendoj se për këtë çështje dhe për shumë të tjera , sa më parë duhet të gjendet një zgjidhje . Në lidhje me funkcionimin e gjykatave janë duke u zhvilluar bisedime në relacionin EULEX, Këshilli Gjyqësor, si dhe pushtete të tjera . Në veçanti në veri të Mitrovicës është një problem për faktin se aty kanë qendruar njerëzit me paraburgime me vite të tera , ndërsa ligji ka limituar afatet se sa mund të qendrojnë , për shkak të transferimit nga Gjykata e Mitrovicës në Vushtrri. Tash këto të drejta në mënyrë të skajshme janë shkel të individet e caktuar. Gjykatat në Kosovë bazuar në aktivitetin e tyre sikur nuk e konsiderojnë veten si hallkë të sistemit politik, shoqëror ekonomik dhe si pjesë të luftës kundër krimit të organizuar dhe korrupcionit. Mendoj se drejtësia dhe ligjet në Kosovë edhe dy vjet pas pavarësisë , interpretohen dhe zbatohen shpeshherë kundër interesave të qytetarëve , interesave publike komunale , shtetërore .Ato (ligjet) interpretohen dhe zbatohen shpeshherë në favor të krimit të organizuar dhe njerëzve të veshur me pushtet politik e ekonomik. AKP-AKM-ja edhe dy vjet pas shpalljes së pavarësisë , vazhdon të interpretojë dhe zbatojë ligjin në dëm të interesave të komunave , të qytetarëve dhe në dëm të Kosovës . Në këtë fushë kemi shumë të dhëna të manipulimeve dhe të keqpërdorimeve gjatë privatizimit. Me mijëra punëtorë kanë mbetur pa punë dhe në varëfëri të skajshme si pasojë e këtij privatizimi. Për të gjitha këto sikur nuk ndërhyn dhe nuk interesohet kurkush …
Ndërsa gjykimet që po bënë Serbia ndaj kriminelëvë që kanë bërë krime në Kosovë , janë simulim që po zhvillohen nën trusninë e bashkësisë ndërkombëtare . Serbia po simulon proceset gjyqësore për krime të luftës , në të cilat po shqiptohen denime simbolike dhe qesharake për krime të tmershme ndaj civilëve të paarmatosur të cilat i kanë kryer forcat serbe në Kosovë (kriminelët) . .. Për këto arsyera Qeveria e Kosovës dhe institucionet tjera shtetërore duhet të reagojnë dhe të kërkojnë që ata (kriminelët) të gjykohen në Kosovë..
(Autori është shkrimtar dhe publicist i pavarur)