Nikoleta Kovaçi: Tri ngjarje dhe tri pikë që s'na bien!

Tri ngjarje dhe tri pikë që s'na bien!

Nga Nikoleta Kovaçi

Tri ngjarje në më pak se 12 orë, dëshmojnë se jo vetëm jena ndrrue orësh si njerëz po s'ka ma asnji dell normaliteti në k'të vend, se për shtet, mos prisni ju çyrykët e Edvinit, se unë s'kam pas asnji pikë dyshimi mbi batërdinë kriminale që do lëshohet mbi k'të popull!

Në Shalë, i merr jetën kushrinit të vet për tokë! Policia e turpit thotë ishte i pimë e ende nuk i kena marrë dëshmi, thue vendi se Shala asht sa Shangai e kërkush nuk din gja ç'a ndodh mes dy njerëzve të nji gjaku që  marrin armë me vedi me prit kushinin!

Në Korçë u gjet nji burrë i dekun në shpi! Duhej të ishte 61 vjeç po i bie të ketë dekë qysh se ka qenë 60! Ma tepër se 9 muaj i dekun e kërkush nuk dinte gja për të, me vlla, fëmijë, komshinj, kushërinj, me dreq e bij dreqnish! Pa pikën e turpit vëllai thotë se ai jetonte vetëm se ishte nda me gruan, e unë jam në Tiranë e s'kam pas kohë me ardh. Edhe tani erdha me pa shpinë! Ok, e pranoj se gruaja e ka lanë, fëmija për hir të nanës e kanë braktis, po vlla qyqja, si ka mundësi që ka nji vit pa fol me vëllanë e vet? Se k'të s'ma rrok mendja! E pranoj edhe faktin se nuk e lë gruaja me shkue te vllau, edhe se nuk do me e mbajt afër se mos i mbetet në 'qafë', po mos t'a kesh nji pikë kontakti me vëllanë që asht i vetëm? Behhh, asht neveritëse dhe ulëritëse.

Në Kolonjë qenka identifikue nji trup i pajetë i një burri që qenka gjetur që në korrik i vdekur në rrugë! Trupi asht në morg prej nji muaji e gjys se policia nuk regjistron denoncime! Se edhe nëse i regjistron i harron! Edhe nëse i harron, kur gjendet nji kufomë diku, nga demenca kolektive nuk kujtohet se dikush ka denoncime! Bashkëshortja e viktimës kishte denoncuar humbjen e tij që në qershor në policinë e Korçës! Tani minimumi i punës që bajnë k'ta hahashistat e policisë asht me hap regjistrin e denoncimeve! Nëse s'del denoncim në Kolonjë shkohet nëpër rrethina e mandej fillohet nga rrethet ma të afërta, meqë viktima rezultonte moshë e madhe! Por ka 3 muaj që gruaja e shkretë e kërkon, e policia mirë që s'e ndihmon po edhe e harron, gruan, denoncimin e të hupmin!

Manej presim na me ba revolucion kundër hajnave me pushtet e zuzarëve me kollare, me zmbraps mafien politike e këllirat me pare e duart me gjak tu pre në besë miq e shok buke! Kur pret kushinin me armë në brez dhe e vret, kur braktis vëllanë e babën për muaj të tanë, e kur na mbesin njerëzit në morg se s'ka kush i identifikon, si mund të pres me u gjet djemtë e burrat e zhdukun prej banditëve që rrinë krah idhujve tuj qeverisës!

Asht ma shumë se e turpshme!