Sevdail Hyseni: Llaskuci

Sevdail Hyseni

Satirike

Llaskuci

Është një llaskuc

Teveqel i paparë,

Që nget biçikletën

Si Panço me gomar.

Shëtitet  rrugëve

Me kufje në vesh,

Përgjon çdo lëvizje

Që sillet rreth nesh.

Pastaj jep prognoza

Në stil “gazetari”,

Veç në politikë

S’i qeshi kurrë zari.

Njëherë pati fatin

T’ngjitet n’pushtet,

Për pak s’e kafshoi

Edhe bythën e vet!

Por edhe në tregti

Nuk i shkoi mbarë,

Ngeli një llaskuc

Kryekëput zagar.

Nuhatjet e zangoçit

Bien erë cofëtine,

Që dikur krenohej

Se nxirrte fitime.

Mirëpo, nga bërlloku

Shkuma del mbi shurrë,

Çfarë na ka mbetur,

Mos na qoftë kurrë!

E kur vjen një ditë

Dhe shuhet halldupi,

T’i ngrehim mbi pleh

Një shtatore turpi!

(Karikatura marrë nga interneti)