E merkure, 19.06.2024, 07:16 PM (GMT+1)

Mendime

Florim Zeqa: Ndarja në baza etnike, antihumane dhe antikushtetuese!

E marte, 14.11.2023, 08:50 PM


Ndarja në baza etnike, antihumane dhe antikushtetuese!

Nga Florim Zeqa

Mosbërja publike e dokumentit të “Draft-Statutit” për Asociacionin e Komunave Sebe në veri, përveq dilemave të mëdha, paraqet rrezik të madh për vendin. Mjafton ta kthejmë kujtesën në kompetencat ekzekutive, statutin dhe logon e këtij Asociacioni, i cili përveq bashkimit të komunave serbe, më pas ky subjekt do të del me autonomi të gjerë. Duhet kujtuar lexuesve dhe opinionit të gjërë se Asociacioni i ka edhe organet e veta drejtuese, Kuvendin, si kryetarin, bordin drejtues dhe të gjitha organet drejtuese që i ka një (Autionomi) shtet i pavarur.

“Draft” i errësirës politike

Këto fakte e shtrojnë domosdoshmërinë që Qeveria duhet ta publikoj sa më parë “Draft-Statutin”. Pavarësisht përmbajtjes së draftit, populli duhet të dijë se çka ka dhe kah po shkon Republika e ndërtuar me gjak dhe sakrifica të mëdha.

Dikush po e merr guximin pa e ditur përmbatjtjen e “Draft-Statutit” dhe po e quan finale të suksesshme të dialogut Kosovë-Serbi!

Dikush thotë e kam pa, tjetri s’e kam pa!

Kryeministri thotë e di, kurse herën tjetër nuk e di!

Opozita është e ndarë dhe e pakoordinuar pas takimeve me Lajçakun!

Përderisa lideri i PDK-së dhe përfaqësuesi i LDK-së thonë se e kanë lexuar “shkarazi” përmbajtjen, lideri i AAK-së thotë se e ka lexuar, sipas të cilit “Draft-Staturi” është në përputhje me Kushtetutën e vendit!

Kujt t’i besohet!?

Përderisa nuk ka të dhëna mbi përmbajtjen e Asociacionit, çdo gjë që flitet është hipotetike!

Mungesa e transparencës politike e BE-së i vë mëdyshjet për përmbajtjen e Asociacionit!

Një Asociacioni jashtë normave kushtetuese herët apo vonë do të paraqet rrezik për shpërbërjen e shtetit të Kosovës (multi) etnike!

Kërkesa me ngulm e Parlamentit Evropian që të implementohet marrëveshja për Asociacionin është tendencë që ngjarja e Banjskës të tejkalohet në heshtje dhe të shpëtohet Serbia pa u ndëshkuar për sulmin në veri.

Në të njëjtën linjë është edhe kërkesa e kryeministrit Albin Kurti që mos të shpaloset përmbajtja e “Draft-Statutit” dhe ajo që është biseduar në takimin e fundit të Brukselit lidhur me temën e Asociacionit.

Vetë titulli i draftit, “Draft-Statut” nëse ekziston, është i panjour dhe antikushtetues.

Pasi në Kushtetutën e Republikës së Kosovës askund nuk permendet përkatësia nacionale, por ajo multi-etnike! Pra, nuk ka ndarje në baza etnike.

Florim Zeqa

12.11.2023



(Vota: 0)

Komentoni
Komenti:

Artikuj te tjere

Kalosh Çeliku: Plumbi del me plumb Idriz Zeqiraj: Rugova - "Kosova ka zot shtëpie. Zyrtarët e Tiranës të mos përzihen në punët e saj!" Florim Zeqa: A është i mundur unifikimi i elektoratit rugovian në LDK!? Skender Jashari: Origjina e flamurit të arabëve të territorit izraelit të Palestinës Nikoleta Kovaçi: Dje u trishtova shume per kte djalin! Bajram Kabashi: Ekipi shtetëror i Izraelit në futboll duhet të ndihet i mirëseardhur në Kosovë Florim Zeqa: Gjeneza e politikanëve milionerë nga paratë e vjedhura! Gjekë Gjonaj: Mosndëshkimi i kërcënimeve dhe sulmeve ndaj gazetarëve dhe medieve në Mal të Zi është i papranueshëm Llesh Ndoi: Kur s’ke by…, kacavirresh pas karrikes! Ndue Dedaj: PD nuk është 'kor' i Berishës Fritz Radovani: Zeqir Lushaj – Guri dhe vorba Reshat Nexhipi: "Shqiponjën'' po e rrezikon ''korbi i zi'' Agron Gjekmarkaj: Ne duhet të krijojmë kushtet që lezhjanët të kthehen dhe jo t'i zevendesojmë ata Asllan Dibrani: Studio “Kojshia Show”, Sadri Imeri a është moderator apo ekstremist islamik? Aurel Dasareti: Liria për të besuar është gjithashtu liri nga besimi Florim Zeqa: Shqiptarët vetëm zori i bashkon! Panajot Soko: Jam kundër kampit të refugjatëve Aurel Dasareti: Detyra e politikanëve, përfshirë Albin Kurtin, është që të nxjerrin nga moda gënjeshtrat e të tjerëve me të tyren Kimete Berisha: Fjalët e vjetruara! Albert Zholi: Dita kur Britania dhe Shqipëria u pajtuan për incidentin e Korfuzit

Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora