Përparim Hysi: Migjeni në vargjet e mia

MIGJENI në vargjet e mia

85-vjet në amshim

(cikël me poezi)

Nga Përparim Hysi

1.Thirrje  MIGJENIT

Nëma grushtin tënd të ligjshëm, MIGJEN!

T'u bie mu në turinj politikanëve

Të shoh si do dridhen atje, në"arenë"

Ulërijnë si qenësallhane.

Hajde bashkë me mua në Parlament

Dhe ke për të bërë sehir

Dikush përtyp çamçakiz a lexon gazetë

A nuk ngjajnë me qafirë?

Askush tek ne që u dhamë votën

Nuk vjen qoftë dhe për një takim

Për vete, me paret tona, gjezdisin botën

Të gjithë janë kthyer në biçimë.

Nëma grushtin tënd të ligjshëm, MIGJEN !

T'i heqim që nga "skena",

SE pak, po u preke interesin,

Kuisin si hijena!

Nëma grushtin tënd të ligjshëm, MIGJEN!

Ma jep atë grusht të fortë

T'i heqim nga ajo"skenë"

SE ndryshe, do kthehen në skortë.

2.Poetët që vdesin të rinj

Janë me dhjetra POETËT që kanë vdekur të rinj

Dhjetra plagë për ta, më hapen në shpirt.

Më dhimben të gjithë dhe kam dhëmbshuri

I kujtoj dhe dhimbja vaszhdon, çuditërisht.

Më ka ardhur keq, kur u vra Pushkini

Në duel u vra Lermontove dhe SHelli u mbyt në liqen

Më është dhimbsur sa s'ka ESENINI,

Por më shumë dhimbje, për të pavdekshmin MIGJEN

RRESHPJES i"veshën këpucë të reja"  *

NDOC GJETJA vdiq pa patur shtëpi.

Them unë:- Përse nuk bie rrufeja

Mbi politikanët tanë faqezinj?

* vargu i RRESHPJES"Të vdekurve u veshin këpucë të reja".

3.Kur Enver Hoxha"vodhi" OSO BAKALLIN?!!! *

Enveri e "vodhi OSO BAKALIN

Se si OSOJA çeli"arkapija"

Të ruajmë, -tha, - të "pastër" moralin

SE "moral të patër" ka partia.

-A e pat se ç'ndohi në Tepelenë? **

Dy të rinj komunistë ranë"therorë"

Si mund të lejojmë një "thashëethem"

Të vihen "thashethemxhinjtë" nën terror!

Të ngrihemi të gjithë e t'u këputim kokën

Atyre që me gjuhën e tyre na bëjnë "pis"

Si mund të hedhin baltë mbi kohën,

Kohën e "ndritur" të partisë?

Urdhëroi:-Të ruhet morali

Armiqtë do t'i ndëshkojë rrept partia

Dhe ashtu si OSO BAKALLI,

"DJALLI" çeli arkapija!

* OSO BAKALLI, personazh i MIGJENIT.

** Në tepelnë dy të rinjtë  vranë veten se qenë të"pastër" moralisht.

4. Vdekja e KOZETËS  *

Hiqe dekoratë, kryeministër

SE vdiq KOZETA 15-vjeçare në Vermosh.

Shkele më këmbë dhe ti, ministër,

Të vdesësh nga apendesiti, a nuk është paradoks?!!!

Po ku ishte shteti, ky gjumash i neveritshëm?

Për shtetasit nuk kujdeset, por fle e bën pallë

Flake dekoratën kryeministër

Dhe bashkë me ministrin, në kini ndopak moral?

Bukuria, siç duket, prapë po vret

Si në kohën tënde, i pavdekshmi, MIGJEN!

Përmendore të turpshëm për ty, o shtet,

Kjo 15-vjeçare si një anatemë.

*.15-vjeçaraja ndërri jetë, pasi u mbasj 10-orë në vig,

** ka ndodhur më 5 mars 2003 dhe , të nesërmen, presidenti dekoroi kryeminstrin Fatos Nano dhe ministrin e shëndetësisë, Mustafa Xhani.

5.Tek varri copëtuem i MIGJENIT

E kanë copëtuar varrin e MIGJENIT

Vallë, ta dinë, pushtetarët?!

Apo nuk ia dinë vlerë MADEMIT

Pushtetarët pak dallojnë nga shpellarët.

SE ndryshe, nuk ke se si mendon ndryshe

Të lejosh që të prishet ky varr

S'ka justifikime.As si as qyshe?

Pushtetarë! Ky akt nuk ju fal!

Migjeni është NDERI I SHQIPËRISË

SHKODRA, pa dyshim, e ka krenari

Të vihen fajtorët pra drejtësisë

SE kanë ndotur një florisafi!

Se flori i letërsisë është MIGJENI

Këtë fakt s'duhet ta harrojmë kurrë

Për SHKODRËN  dhe SHIPËRINË është MADEMI

Floriri nuk ndryshket kurrë.

* poezitë janë shkruar në kohë të ndrysheme, por po i botoj, se është 85-vjetori i ndarjes nga jeta e MIGJENIT.

Tiranë, 25 tetor 2023