E shtune, 20.07.2024, 11:49 PM (GMT+1)

Kulturë

Poezi nga Sinan Sadiku

E merkure, 14.12.2016, 07:56 PM


Sinan SADIKU

 

PROFESORËT QË PËRTUAN TA

GJEJNË URTINË

 

Mësonin në libra të çalë

Përkthenin libra të çalë

Shkruanin libra të çalë

 

Kurrë s’e lexuan librin e jetës

Kurrë s’e dëgjuan gjyshin

Rrinin të qetë

në shtrojerën e tyre të ngrohtë

e tërë pasion

flitnin për lulet e jetës

 

Ecnin rrugëve të hapura

Shpëtuan pa ferrë në këmbë

e urtinë

s’u lodhën ta gjejnë

 

Qenë bërë yje

Vajzat s’ua bënin fjalën dy

e  djemtë

ëndërronin të bëhen si ata

 

E shitën atë që (s) e patën

e neve na e falën naivitetin

Na pajisën me aftësi minore

e shpresa qiellore

 

Mësonin në libra të çalë

Përkthenin  libra të çalë

Shkruanin libra të çalë

 

Dardanë, më 23.07.1996

 

 

GJYSHI THOSHTE

 

Mos u besoni librave

se ju gënjejnë!

Më thoshte gjysh im

derisa i tregoja përralla të bukura

e ëndrra të këndshme

për shekullin njëzet për njeriu për...

të mësuara në shkollë

të lexuara në libra

të trashë të hollë

 

Mos u besoni profesorëve,

se s’dinë për vete!

Pat ngulë këmbë njëherë tjetër gjyshi im

derisa ia përsëritja të njëjtat përralla

të njëjtat ëndrra

hiq pa përtim

me aq frymëzim

 

Mos u besoni librave!

Mos u besoni profesorëve!

Ende tingëllojnë fjalët e gjyshit

në veshët e mi

E atë kaherë e ka mbuluar

dheu i zi

 

Një ditë

Çelën lulet e pranvera nuk erdhi

Bryma bëri kërdi gjethet i zverdhi

Poeti filloi të qajë të dënesë

Njerëzit u bënë memecë mbetën pa shpresë

Erdhën ditë të zeza për fjalë e besë

 

Më pas

Korbat e zi qiellit tonë vijnë

Lotin e syve donë të na e pinë

 

Dikur vonë

m’u çelën sytë

Pashë një botë të ndytë

që pëllumba mbytë

Ku ta gjeja gjyshin

t’ia puthja sytë

Ndjesë t’i kërkoja

e ta dëgjoja

 

Dardanë, më 15.05.1996

 

 

MEDITIM ELEGJIK

 

U thye dega e njomë e pemës

Pipat me lule ranë nëpër tokë

Diku në ferrat e egra të jetës

Shpresat qiellore u bën copë-copë

 

Përsëri linden shpresa të njoma

Por ferrat e jetës mbetën se mbetën

Na therin në shpirt gjakun na e qesin

Me dhembje  pikëllim e mbushin jetën

 

Dardanë, më 15.05.1996

 

Nga libri “Rrobat e engjëllit”,  botuar më 1999



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora