E shtune, 02.03.2024, 03:33 AM (GMT)

Kulturë

Agim Gashi: Urime në amshim bija ime

E enjte, 25.09.2014, 06:33 PM


AGIM GASHI

URIME NË AMSHIM BIJA IME

(Në 43 vjetorin e lindjes së Shqipes)

 

Shqipja ime, bija ime,

Sot ke mbush keterdhetetri,

Pse nuk zgjohesh me të Urue,

Por në vorr po flen n´qetësi?

 

I shfletoj t´vjtrat kujtime

Kur të Uroja me dashuni,

Zemra e shpirti më digjen prush

E nuk teren syt e mi.

 

Me të ardhë te vorri yt

Pasha Ty bijë skam mundësi,

Më ka rrokë smundja e skamja,

Larg na ndau kurbeti i zi.

 

Vajin sot që spo e ndali

Rreshtat e kanges po i lotoj,

Do ti mbledhi lot´ e kangë

N´thellsi t´vorrit ti dergoj.

 

Ndegjoje kangën e Ditëlindjes

E këndoi babi për Ty,

Zgjohu e mbledhi ato lule

Mos i le në vorr përmbi.

 

Dy qirinjë të mëdhej i ndeza

Ketredhetetre  i ke përbri,

Si më dukesh po qesh në foto

As ske dhimbje as ske zjarmi.

 

II

Kur t´baj ma mirë moj bija ime

Do e marr rrugen me t´vizitu,

Te ai vorr që e bane qerdhe

Lot´ prej prindi, mbi me i lshu.

 

Ah, moj botë sa je mizore

Pse smë more sëpari mu?

Por mi more bijë e djal

Pa rend jetnat po i shu´?

 

Po m´shkon jeta në vaj e skamje

Ti për mu botë je katile,

Më ke dhurue shumë vuajtje e dhimbje

Edhe ksaj radhe, më bane hile.

 

Ma ke marrë Yllin e jetës,

Gëzimi i parë ishte për mu,

Flej e qetë moj bija ime

Se n´këtë jetë smuj me t´harru.

 

Dije mirë moj zogza e babit

Pasha dhimbje, pasha vetmi,

Kurr nga mendja skam me t´largue

E gjallë më dukesh n´fotografi.

 

Skam askujt kujt ti ankohem,

Me Ty çdo ditë po bisedoj,

Kur skam bukë e kur dhemb shpirti

Te fotoja jote vi bisedoj.

 

Aty derdhi lotë të dhimbjes

Edhe për nanën e për atdhe,

Kështu do tjetë tash jeta ime

Derisa t´vi tek Ti në dhe.

 

Urime Ditëlindjen bija ime

Të gjitha varret po festojnë,

E familjaret të vine me t´pa

Me Urime lot´ lëshojnë.

 

Sa vështirë me të Urue

Ti në vorr e unë n´këtë jetë,

Fli e qetë pllumbesha a babit

Asgja e mire për t´gjallt ska mbetë.

 

Ma të vdekun sot jemi ne

Se sa Ju që keni shkue,

Tash m´lejo ta rrokë sharkinë

Me kangë Ty me të vajtue.

 

III

Lumja nana që t´pati Ty

Lum´ e motrat dhe vllaznija,

I lum´ djali e i lum´ burri,

Me Ty hare kishte shtëpia.

 

E lumja Lokja që t´ledhatonte

Kujtime të ambla ti ke lanë,

Tash dhe gjyshi n´vorre t´Lipjanit

Ja ka nisë për Ty po qan.

 

Mos t´kam lodhë moj Shqipja ime?

Shumë po flas kur jamë me Ty,

Tash pushoje trupin tend

Në varrin çerdhe, fli n´qetsi.

 

24.09.2014

Düren




(Vota: 5 . Mesatare: 2.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora