Pjetër Domgjoni: Në emën të popullit

NË EMËN TË POPULLIT

Nga Pjetër Domgjoni

Dikur Ahmet Zogu, me ndihmën e anmiqve serbë erdhi me e udhëheqë kët popull.  E mandej në emëm të këtij populli, pat fillue me i shitë trojet e këtij populli. Në emën të popullit, pat vra e vue n’konop poashtu bijtë ma t’mirë të këtij populli.  Në emën të popullit, pat çue ushtri e artileri. N’Mirditë, Pukë e Dugagjin për me e vra e me e zhdukë at pjesë të këtij populli. Në emën të popullit, Italinë e pat mashtrue me skica e harta, kinse Shqipnia ka aq shumë burime nafte dhe mbasi i mori t’hollat prej italianëve ei pat shndërrue n'flori. Në emën të popullit i mori  me vete t’gjithë florijtë që i takonin popullit e iku tuj e lane popullin nën mshirën e pushtuesve fashistë  italianë.

Poashtu me ndihmën e serbëve, me e udhëheqë ket popull,  pat ardhë  Enver Hoxha. Edhe ky sikur paraardhësi i tij, Ahmet Zogu. Në emën të popullit,  për at grimë pushtet ua pat shitë "vllaznive serbë" gjithë at territor që ky popull e quanë me emnin KOSOVË.  Ndersa paraardhësi i tij Ahmet Zogu, në emën të popullit dëshironte me zhdukë, Mirditë, Pukë e Dugagjin. Enver Hoxha pat shkue edhe shumë ma larg, tuj  zgjanue harten e tij  e tuj përfshi në te edhe Lezhë e Shkodër e gjithë at territor që banorët e këtij populli e quajnë, VERIU I SHQIPNISË. Mandej në emën të popullit e për t’mirën e këtij populli e pat zhdukë intelixhencën e këtij populli. E për mej marrë edhe shpirtin këtij populli. Në emën të këtij populli i pat ndalue besimin, i pat ndryshue gjuhën, i pat ndryshue historinë, i pat nacionalizue pronen private dhe i pat kolektivizue të gjithë popullin e vue në nji kamp përçendrimi tuj rrethue me telea xhëmborë për mej nda e izolue prej t’gjithë popujve. Dhe për shnetin e këtij populli. I pat mësue me hanger edhe bar kët popull.  Por në emën të popullit e pat nacionalizue edhe vet popullin. Të gjitha këto, në emëm të popullit, “udhëheqësi i popullit”, Enver Hoxha, i bante vetëm për t’mirën e këtij  populli.

Mbas sa e sa vitesh “knaqsie e lumtunie” që pat përjetue ky popull nën udhëheqjen e ”birit të tij”, Enver Hoxhës, me demonstrimin e studentëve të këtij populli, u hoç eu shemb permendorja e ish udhëheqësit popullorë të po këtij populli  dhe prej asaj xhurulltie që e pat krijue vet ky popull. Na erdhën në krye të këtij populli, jo nji, por disa udhëheqës që n’vazhdim, do t’kujdesen për t’mirën e këtij populli.

Për ata dy t’parët e denim se naj kishin sjellë n’pushtet anmiqtë serbë, por kush na i solli këta,  askush nuk e di. Disa thonë se i sollën vet ky popull. Disa thonë se na i sollën serbët, turqit, grekët e disa të tjerë thonë se lobi grekë prej Amerikës. Por sipas sjelljeve e shprehjeve të udhëheqësve tone popullorë. Len me dyshue se këta na i sollën në pushtet, bashkpunimi në mes vete, i serbëve, i grekëve dhe i turqëve. Por unë kisha me thane se këta na i sollën n’pushtet, vet  bijtë e këtij populli që ishin trashigimtarët e atyne gjaksorëve të parë që kishin n’trupin e tyne, gjak serbi, turku edhe greku e populli, tash e njizetë vjetë s’asht tuj mujtë me u lirue prej tyne.

Nuk mund t’spjegohet n’tjetër mënyrë se me t’ardhun n’krye të këtij populli. Këta, menjiherë i shpartalluen kufijtë e gjithë atij territori që ky popull e quanë shtet. Menjiherë në emën të ktij populli, ua vodhen ato pak lekë që këta bij të popullit  i kishin kursye tuj punue nen rrexhimin çnjerzorë komunist për pesëdhjetë vjetë me radhë. E menjiherë mbasi ua vodhën t’hollat. Në emëm të popullit e për pastrimin e tij, ua sollën këtij populli luftën qytetare që ky popull të vriten n’mes vete, vëllai me vlla, sepse këta udhëheqësit e ri e çuajnë veten demokratë e nuk duanë ti përlyejnë duartë me gjak dhe mbasi u lodhën tuj u vra n’mes vete bijtë e këtij populli. Udhëheqësit demokratë vunë rend e çetsi. Dhe në emën të popullit,  menjiherë   filluen me e privatizue, pasuninë e popullit. Në emën të popullit, pjesë-pjesë, janë tuj e shitë edhe at trollë që me shekuj i thotë ATDHE,  ky popull. Në emën të popullit, u shitën naftë e  armë, anmiqëve të popullit. Pikrisht për me e vra e me e zhdukë po kët popull.

E bijtë e këtij populli siç ishte edhe Zotni DANIEL GAZULLI,  dalin me penë në dorë  në mbrojtje të këtij populli, por udhëheqësit demokratë të këtij populli, nuk e ndijnë zanin e DANIELIT. Bijtë e këtij populli siç ishte edhe LIRAK BEJKO dalin dhe vetdigjen në shej proteste kunder padrejtësive që i bahen këtij populli, por ata që sot e kanë privatizue edhe vet popullin as që e ndijnë zanin e bijve të këtij populli e as që e shofin vetflijimin e bijve të këtij populli.

Edhe  Zotni DANIELI, ishte poashtu, nji bir i denjë që i takonte familjes së këtij populli e që në emën të popullit. Udhëheqësit e këtij populli,  kishin vra, vue n’konop e ushtrue  dhunë e terror kunder kësaj familjeje, prej shpalljes së pavarsisë  e deri n’ditën e sotit, por tek zotni Danieli e tek familja e tij. Asnji vrastar e gjaksor as në emnin personal e as në emnin e popullit nuk doli, me e zvetnue apo me e zhdukë prej tij, dashninë e madhe që e kishte ai dhe e gjithë familja e tij për kët popull.

Me gjithë torturat që LIRAK BEJKOS, në emën të popullit i patën ba, pikrisht udhëheqësit komunistë edhe udhëheqësit demomokratë të këtij populli,  Lirak Bejko e pat dashtë edhe deri në vetflijim kët popull.  POR A DUHET MEJ DASHTË EDHE NE DERI NË VETFLIJIM EDHE UDHËHEQËSIT E KËTIJ POPULLI...???...!!! Që, lene se nuk e dëgjojnë zanin e bijëve të këtij populli, por u ngrisin  sot përmendore të gjithë atyne vrastarëve e tradhëtarëve të këtij populli ei lane n’harresë të gjithë ata që ua sollën larine këtij populli.