E marte, 25.06.2024, 01:08 AM (GMT+1)

Kulturë

Cikël poetik nga Neki Lulaj

E merkure, 21.12.2011, 08:58 PM


Neki Lulaj

 

 

STUHI KOHËRASH

 

Stuhirat janë dehur

Në fund të këtij

Shekulli, e ky

Ikë i ngrati

Si i çalë, i marrë

Kush s´ja ndezi zjarrin

Që t´ia bëjë konakun!

 

Lumi dënes grykës

Së bjeshkës

Vala e puthë shkëmbin

Terri lëpinë

Lotin në befasi

Zana i kreh flokët

Në malësi.

 

Vesë e mjegull

Bashkë

Lëshohën poshtë

Lugut

Asgjë nuk dëgjohet

Përveç

Shungullimës së lumit.

 

Sonte kafsho frikën

Si luani

Gjahun në pusi

Kafshon  ky shekull

Se….

Na hyri në hak

Muzgjet me një

Fije dritë

Le te maskohen

Labirinthave të agut

Për ta dëbuar

Tradhëtinë!

 

 

PAS MUZGUT

 

Pas muzgjeve

Në udhëtim

Përtërihet jeta

Me dëshira të reja

Nga heshtja e moteve

E molisjet e gjata

Prekëm bregun

E kepit.

 

Notuam edhe mbi valë

Si likenët

Si shavarë

E mbëltuan shpresën

Fatosat…

Fëmijërinë e mbarë.

 

E zogjët

Më kembë mbi degë

E kokë nën sqetull

Në pyllin e thellë

Ëndërronin për

Kopshtin e dashurisë

Për portën e çelur

Me cicërima

E plotë kengë.

 

 

NËNAT TONA

 

Edhe në netët e gjata

Pa gjumë

I lanë

Portat e hapura

Se vijnë gurbetqarët.

 

Ata vinin dikurë

Dhe vijnë sot

Nënat

Ngarkuar me fije

E bijtë me valixhe që

Shumëfishojnë dashurinë

E mallin.

 

Zbresin si yje

E si dallgë deti

Nga bregu e nga qielli

Hënën e marrin në gjoks

E në sy

E bartin mallin e diellin.

 

E në vendlindje

Lëkundet dheu

Përkunden djepat

Hyjnitë u marrin

Sihariqin

Se sonte vijnë

Zogjët e kurbetit

Zemrat e gjysheve

Nipërit dhe mbesat.

 

 

RRETH

 

Kujtimet ma thërrasin

Moshën

E mallit atëror

Dikurë në odën e burrave

Rreth prushnajës

Mbështjellnim

Duhan kaçak - cigare

Për krushq dhe dasmorë.

 

Edhe endërrat i kishim

Të tjera

Ne rriteshim

Si plepat

Plotë gjethe

Pranë lumit gjarpëror.

 

Etërit i ndritnin stinët

Me gaz

E çanin dëborën

Bleronin natyrën

Për zogj

E ëndërrat i shpupurisnin

Si prushin

Me dru bungu

Mbi tangar

Dimrave të gjatë

E të gjatë.

 

 

KOHË KRISMASH

 

Kohë ikjësh

Dyer të pa i mbyllur

Krismat shponin terrin

Gërvalleshin ata..

Lugetërit e zi.

 

Kohë lufte

Me dhunë xhelatët

Na ndejknin

Pa cak e pa adresë

Sofër kulm e strehë

E patëm

Nënën Shqipëri.

 

Kohë zjarresh

Digjej kullë e tokë

Bëhej shkrum e hi

Re pluhuri në qiell

Ne kthehemi përseri,

 

Kohë kthimesh

Ikën të turpëruar

Humbësit

Pa asnjë lartëmadhëri

Zogjët në vend

Të çerdheve të veta

Ndërtuan rrokaqiej.

 

 

CURRIL

 

Në vendlindje

Kërcet sopata

Te cungu

I druve

Për miq.

 

E kënga e gjelit

Lajmëron agimin

E thërret bujkun në arë

Se ai atje

Me të Bukurën e Dheut

E ka takimin.

 

Flokëverdha i këndon

Ringjalljes

Buzë lumit

Buzë Drinit të Bardhë

Dashuria i rritë motet

Tingujt e Atdheut

Serenadë.

 

E shpendmira

Mban sekretin

Fjalën e pashprehur

E mban…

Në bjeshkë

Në mal në arë.

 

 

MBI

 

Mbi shelgj

U ngjita shkallëve

Deri në qiell

Që ta gdhendi moshën

Me engjëj

E botën ta përtrij.

 

Portat ishin të hapura

Ecëm largë

E largë

Dikurë dëgjam zhurmë

Nga të lehura qenjsh

Karvani u ngri.

 

E krushqit

Për besën e dhënë

U përplasën me tradhëti

Fushave u shkonte avulli

Por engjëjt

E rikëndellën moshën

Botën duke e përtrirë.



(Vota: 15 . Mesatare: 4/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora