Lis Bukuroca: Gruaja

Lis Bukuroca

Gruaja

Mirëpo, ti je dhe Nëna me fëmijë në gji

Që rrit vogëlushët e mbanë të tërën shtëpi

Ti je ajo që më fëmijën në shkollë nxiton

Ajo, që me mjekun e trishtuar bisedon

Ti je Gjyshja, që me përralla nipat rrit

Ti je Mike, që këshillon pleqtë dhe të ritë

Ti je Motra, që qanë për vëllanë e mërguar

Ti je Halla, që qafon nipin e lazdruar

Ti je Zonjë me vepra, me ndjenja sipërore

Nga larg e nga afër, lë mbresa hyjnore

Me Ty lindet jeta, me Ty rritet dashuria

Ku mungon Fjala Jote, rritet hasmëria

Ti je Nëna, që pret fëmijën me padurim

Ti je Nëna, që dërgon djalë e bijë në luftim

Edhe në ditë festive je duke punuar

Kur çlodhen të tjerët, je duke gatuar

Edhe për tetë marsin, më 28 Nëntor

Ofron shërbime për popullin gazmor

Jashtë e punësuar dhe në shtëpi

Pa falënderime dhe çdo ditë bëhesh fli

Edhe rrahësit i shtrihesh natën pranë

E helmuar i kthen shpinën, tutje ofshanë

U falë të gjithëve, me lot në sy

Të zë ankthi të jetosh pa fëmi

Dhe shpreson se një ditë burri mësohet

Se në familje vetëm me dashuri jetohet

Ti je sublime dhe me shpirt fisnike

Kryedhurata je Ti, në këtë botë tragji-komike!