Ferid Selimi: Zbrazje kujtimesh

Ferid Selimi

Zbrazje kujtimesh

Sonte, zbraz kujtimet valë të nxehta për ditët e acarta

e kohët e harxhuara si shishet e hedhura në kontejnerin e jetës.

Në kujtim të atyre ditëve,

flokëve çdo mëngjes i shuaj etjen,

si atëherë, miku im,

ama, mu si atëherë.

Me peshqir thaj qimet e ujosura dhe nis rrugëtimin

për të takuar ty dhe Etlevën.

E aty, te pikëtakimi, vetëm malli - forrik.

Paskëshit ndërruar banim, miku im.

Ti diku në zigzaket e Alpeve, e ajo, Etleva, marshuaka zhurmshëm,

diku, thellë në kujtimet e tua.