Skënder R. Hoxha: Gjurmë gjaku

SKËNDER  R. HOXHA

GJURMË GJAKU

/Kushtuar Zhuj Kasëmit, Ramë Selmanit - Husaj dhe Bajram Husajt, të tre të një familjeje rugovase me tradita atdhetare./

1.

A E KEMI MBJELLUR KAHMOT

FARËN E GJAKUT E TË FISIT

O ZHUJ KASËMI1)

KUR SHPALOSE GJOKSIN

NË KRESHTAT E MALET

NË LUFTËN E NOKSHIQIT!

EDHE ATJE NË ATDHEUN TËND

NË ATË CEP BOKE

ARMIKUT I DOLE NË BALLË

E I THE: NDAL!

SE TA VERBOVA ATË LOKE!

2.

ATË KËNGË KUSHTRIMI

QË E NISE O TRIM

MAJAVE ME LISA

E RIMUAN ME GJAK TË LIRISË

MALËSORË ME SHALLA E PLISA…

NDËR TË PARËT BACA RAMË

KAPTON ANËVE TË MALËSISË! 

PO, AI RAMË SELMANI2)

QË E NDALI MORTI

NË QAFË TË PREVISË!...

3.

SHKREPAT E RUGOVËS

DONIN SHKRIM

DONIN DIJE DONIN DRITË

KOHA I THËRRISTE BIJTË…

SI KARVAN U NISËN SHKRONJAT

SHKRONJAT TË SHKRUHEN SHQIP

TË ARSIMOHEN BREZAT

PËR JETË E MOT

QË ARMIQTË S’LEJONIN DOT!

KËSAJ RRUGE TË SHENJTË

BAJRAM HUSAJ3) I PRIU

E I DOLI ZOT!...

FALË KËTIJ NISMËTARI

NËPËR BJESHKË RUGOVE

NËPËR MAJA TË THEPISURA

UDHËTUAN SHKRONJAT SHQIPE

GJERDANE TË QËNDISURA…

__________

1)  Zhuj Kasëmi – luftëtar i  Luftës së Nokshiqit.

2) Ramë Selmani - Husaj – i rënë në Qafë të Previsë, në mbrojtje të trojeve shqiptare.

3) Bajram Husaj (pasrendës i dy të parëve), themelues i arsimit shqip në krahinën e Rugovës.