Agim Gashi: Ta zhdukim gjakmarrjen

Agim Gashi

TA ZHDUKIM GJAKMARRJEN

Eshtë një plagë që na rëndon,

Eshtë një plagë që peshë na qon,

Eshtë kjo plagë e ndytë sa ska

Kur po vritemi vllau me vlla!

Dhe zëri fmijëve në kup të qiellit

Po dëgjohet në tërë Arbërinë,

Tash sa vjet se kanë pa diellin

Bisedojnë me Zojë Malsinë!

Ah Malsi moj Zojë e vjetër

Pse ma humbe gjakun tim,

Pse ma vratë n´pusi babanë

E më le t´rritem jetim.

E ti Mirëditë moj mikja ime

Sa shumë trima i dhe Shqipërisë,

Qoju në këmbë e fali gjaqet

Ktheja namin gjithë Arbërisë.

Se kjo plagë që na rëndon

Eshtë një plagë me erë të keqe,

Nga Janina e te Molla e Kuqe

Mbarë kësaj toke po i qet leqe!

Ti Kosovë, Plavë e Gusi,

Iliridë e Çamëri,

Po u luti deri në qiell

Leni t´keqe e leni mni.

A spo e shifni se si hasmi

Na e merr token na e djeg flamurin,

Na i merrë vashat edhe nuset

Marrja na e ka mblue nurin?!

Qohuni pra burra shqiptar

Shtrini dorë, falni hasmëri,

Gjaku i derdhur deri sot

Le të binë lule n´Arbëri.

Ah Arbëri o moj lulëkuqe

Ban ti dasma e merr nuse,

Le të gzohen votrat tona

E mos qo më në varr kufoma!!!!

Kur shqiptari të pajtohet

Do ndryshoj në Ty natyra,

Do të hapen varret e t´parëve

E dëshmorëve u qesh fytyra.

Nuk durohet më mbyllja e fmijëve

Që s´guxojnë të dalin as  n´dritare,

Pa pa lapsa e fletore

Pa pa mësues as Abetare!

Këtë marre sna e dha armiku

Porse vetë e kemi marrë,

Eni pra ta shporrim qafe

Që të ndihemi më shqiptar!!!

QOHU POPULLI IM

Nëpër këtë tokë e mbi këtë popull

Kaluan dhe na shkelën hordhi më të pista

Që bota skishte parë gjëkundi

Çizme jeniqerësh e osmanllinjë

Bullgar

Grek

Italian e gjerman...

Armik të mirë mirë nuk ka

Por ndër ta më barbarët ishin sllavët

Të cilët ne sot i imitojmë…

Një ditë në liri

Vetës i bëjmë robëri

A mos vallë kjo tokë

Ky popull

Aq shumë është mishëruar me robrinë

Që kur ska robërues mbi kokë

Vetërobrohet

Vetëvritet

Vetëveten e poshtron

Hë…

Qohu o populli im

Liroje vujaten

Qohu

Shkul perden e zezë

Lirohu nga vetërobrimi

Lirinë ti e meriton

E unë biri yt

Këngën ta këndoj

18.10.10 Düren