Vullnet Mato: Pse qante gruaja pa shkak

Vullnet Mato

PSE QANTE GRUAJA

PA SHKAK

Ajo qante befas

sikur të ishte fëmijë.

Qante herë pas here

pa shkak të kuptuar.

Kujtohej se me burrin

bënte pak dashuri,

dhe lotët i binin çurg

si rubinet i liruar.

Një tjetër i tha:

“Je tmerrësisht e bukur!”

dhe ajo papritmas

hapi krahët si zog.

Në mbrëmje i dha atij

një të puthur,

dhe trupin kur i shoqi

bridhte me shokë.

Pastaj gjatë javës

ajo qeshte pa shkak.

Qeshte herë pas here

duke tradhtuar.

Pse qan e qesh

gruaja pa shkak,

vështirë e ka burri

për ta kuptuar...