E premte, 02.05.2025, 09:48 AM (GMT+1)

Kulturë

Naser Aliu: Faleminderit Turqi

E merkure, 05.05.2010, 09:59 PM


Naser Aliu

 

Faleminderit Turqi*

Fiat lux!“

 

»Perandoria osmane pengoi shkrirjen në sllav e grek«

tha ai, madje me mburrje...

Arsyetim:

Menjëherë pasi na përqafuan, na i morën kockat tona dhe i morën nga varri...

nesërmen, nesërmen

Aty rreth orës tetë, shekullin XV, pas vapës madhe

Perandoria hapi shkolla fillore

fillim vetëm fillore

Pasi u mendua ajo pak dhe foli vet me vete

Një shekull vonë, premten e acartë: Shkolla mesme

Kur pa se ishte mirë, u kënaq

Shekullin tjetër, orën nëntë, pas kafjallit perandorak Krujë: Shkolla larta

Kur mori vesh se vetëm kështu mirëmbahet shqiptarizmi

Shekull vonë, orën dhjetë, Janinën skofiare: Universitet

Shekullin pak para se ikte: Akademinë e Arteve dhe të Shkencave, në Nish

Shekulli XX, pak para orës dymbëdhjetë, një ditë me shi e furtunë, iku ajo nëpër Shkupin shqiptar

Iku ajo e na la me pallate, ura dhe rrugë mira, qindra biblioteka mbushura deri tavan

Ne, ne e përcollëm me lot sy dhe trullosur i ngarendëm pas, pas i ngarendëm asaj

 

Me Perandorinë  ikën edhe shumë shqiptarë nga Kruja, Janina, Prizreni, Manastiri e Presheva

Jo vetëm si kocka, por edhe si mish, shkrirë osmanli

Kështu Perandoria mëmë sprapsi ndryshimin grek, sllav!

 

Ah, sikur mos kishim përjetuar dashurinë tënde moj

Nuk do t´ishim zgjuar pas pesë shekujve vetëm me një meshar raft!

 

Stacionet

 

Romë

Stamboll

 

Stalingrad

Beograd

 

Enverburg

Strasburg

 

Fati

 

Arbëreshi i parë iku nga pushtuesi turk

Shqiptari i dytë nga diktatura staliniste

I treti ngabaraziatitiste

I katërti nga demokracia shqiptare

II pesti nga diktatura serbe

I gjashti nga demokracia kosovare

I shtati stërvitet për t´i braktisur pampersdemokracitë  tona

T´i bashkëngjitet arbëreshit parë, shqiptarit dytë, tretë, katërtë, pestë dhe gjashtë!

 

Për gjashtë ditë Zoti krijoi universin

shtatën pushoi

Për gjashtë ditë vendi gate zbrazet

Edhe shtatën shqiptari me strajcë dorë!

 

* Në librin “Me shqiptarët e Turqisë”, Fatmir Selimi. studiuesi shqiptar nga Kosova, pas dhjetë vjetëve kërkime në Turqi konstaton se atje jetojnë 10-15 milion shqiptarë...Lufta e Kosovës dëshmoi se ata nuk ndjehen më shqiptar...Sikur Turqia  të na kishte dashur më pak, do t´ishim mbi 15 milion shqiptarë në Ballkan: Lufta e Kosovës nuk do të kishte ndodhur kurrë dhe shteti Shqiptar, do t´ishte ndoshta më i madhi në Ballkan...



(Vota: 11 . Mesatare: 4/5)

Komentoni
Komenti:


Gallery

Karnavalet Ilire në Bozovcë dhe Tetovë - 2025
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx