Kulturë

Julia Gjika: Apokalipsi në Haiti

E hene, 18.01.2010, 05:49 PM

APOKALIPSI NE HAITI

U venit drit’ e diellit.

Të dashuruarit e humbën kujtesën.

Parqet ku përtëriheshin nga aroma e puthjeve

u kthyen në pellgje lotësh.

Nëpër rrugët e Haitit

qindra e mijra humbën njëri tjetrin.

Vetëm ti vdekje e shpenguar,

jo me kosën e vjetër në krahë,

jo më plaka gërmuqe e përallës,

shkon e vjen më e shpejtë se era.

Shkon ku janë mëngjese të qeta,

t’i ndryshosh,

me terror, tsuname, tërmete.

Pardje në New York,

Dje në Indonezi

sot Apokalips në Haiti.

Xheloze, e fuqishme

Për disa minuta përpin kolosë

Jo një e dy

Por mijra e mijra.

Egzistenca jote sa e pamëshirshme,

sa e rrezikshme!

As e re, as e vjetër në këtë botë,

Hej, vdekje

Pse u bëre e jashtligjshme?

Julia Gjika

15 Janar 2010

(Vota: 2 . Mesatare: 3.5/5)

Digg

Komentoni

Karnavalet Ilire në Bozovcë dhe Tetovë - 2025

Pëllumb Gorica: Magjia e bukurive të nëntokës sulovare

Fotaq Andrea: Një vështrim, një lot, një trishtim – o Zot sa pikëllim!

Pëllumb Gorica: Grimca kënaqësie në Liqenin e Komanit

Shkolla Shqipe “Alba Life” festoi 7 Marsin në Bronx

Zemra Shqiptare