Cikël poetik nga Idlir Shehu (Dule)

Gruaja me te zeza

       Mbi varrin e bardhe,

Kuja,

Tym qe nxjerr shpirti i vrare.

Nice,Tulon,Dizhon,Paris

Rruge,bulevarde,sheshe aveny

Gjithcka ngeli e vdekur e pa emer

U treten dhe zune vend ne kujtesen time,                                                                                                                     

Si femije qe vdesin ne lindje.

Pemban dhimbjen nen gjuhe

Dhe shpirti del dhembesh si mish i grire

Ngrita koken lart

Drejt hijes sime te ndjere,

Aty s’gjeta gje

Vec skeletit.

Ti s’ke ku te ulesh

Ne prehrin tim,bige,

Qe femij vras zogjte.

E tani si zog kam mbetur

Ne telat e telefonit 

 Ku komunikojne kohet e mia

Te vegjlit kur s’kane c’te bejne,

Marrin te medhenjte neper goje.

Te medhenjte dhe kur s’duan,

Pertypin te vegjel.

                                                                        

E shtrydha mendimin deri ne grisje,

pastaj e hapa,

Ti s’ishe aty.

Sa keq,

Ate uje qe ka ngelur s’di si ta heq.

Ata na quanin te rreme,

Emra  te rreme,

      Vende te rreme,

                    Gjithcka e rreme,

E ne vetedijen tone ne ishim,

Pjella te nje kohe te rreme.

                                                                  

I hoqen emrat,

            Nga kujtesa burokratesh,

                         Te zhytura ne sirtare,

                                 Letra te zverdhura nga dylli I vesheve.

Hyne ne kujtesa nenash,

            Me emra te rreme,

                      Te ndjekur pas nga vende te larget 

                                   Dhe hija e dashurise,

                                          Malli.