Kristaq Turtulli: Çdo vit në Shën Valentin

KRISTAQ TURTULLI

ÇDO VIT NË SHEN VALENTIN

Të kujtohet në ai stol I thjeshtë dërrase,

Nën blirin e mbuluar me borë.

Çdo vit në Shën Valentin...

Pse festohet gjithnjë në muajin e shkurtër- shkurt piku i dashurisë?

Me pyesje dhe vazhdoje:

Sytë i kam të kaltër, të thellë dhe thellësitë e oqeaneve janë hiç gjë.

I kishe blu të errët, atje digjeshin meteorë.
Meteorët ngrinin, nuk mundën të digjeshin.
 Më thoshe,

buzët i kam të mrekullueshme,

më të bukura e të shijshme në botë.
I kishe, në to ish gjithë shija dhe aroma e nektarit të luleve.
 Ish shkurt dhe kish kallama bore.

Më thoshe, lëkurën e kam të brishtë, elektrike, të papërsëritshme.
 Sa herë të prekja drithërohesha, elektrizohesha, mallëngjehesha, humbisja.
Tani mund të mallëngjehesh?
Në çdo Shën Valentin më mbërthen mallëngjimi.
Më thoshe, flokët i kam si rrezet diellore mëngjesore që reflektohen në pasqyrë.
Unë luaja me to, mrekullohesha dhe çdo mëngjes kur hapja sytë gjeja rreth meje qindra ylbere.

E di të kujtohet

Stoli ish i thjeshtë dërrase,

Nën blirin e mbuluar me borë,

Pse festohet gjithnjë në muajin e shkurtër- shkurt piku i dashurisë?

Thoshe.

Çdo vit në Shën Valentin...