Kulturë

Agim Gashi: Me vepër mbillet dashuria

E marte, 18.08.2009, 08:31 PM

Agim Gashi

Me vepër mbillet dashuria

Jam pa shtëpi si pa atëdhe
S’kam ku fus këtë kokën time,
Kur shoh Teutën dhe Pacollin
Më mbushet zemra plot me gëzime.

Vjen e dielja e del Teuta
T´prezentojë kujt i ndërtun shtëpi,
I gzojnë zemrat e fëmijëve t´varfër
I mbush me ndjenja plot dashuri.

S’kam shtëpi as kulm mbi kokë
S’kam kërku t´më ndërtojë kush,
Jam i lumtur që të tjerëve
Me shtëpi t´reja po i mbush.

Sa e bukur është Kosova
Kur ndërton Behxhet Pacolli,
Dhe Teuta prugofcare
Dashuri e mirësi mbolli.

Para kanë shumë njerëz t´Kosovës
Porse duhet me pasë zemër,
Kush ndihmon njerëzit n´nevojë
Ai atdheut i shton emër.

Sa paraja shkon n´pallate
Në hotele e në markete,
T´gjithë ata që nuk kanë zemër
I kanë paratë vetëm për vete.

Ata s´pyesin e nuk zgjedhin mjete
Që të vinë te pasuuria,
Ata s´pyesin a ka fqiu
A po qajnë n´Kosovë fëmija.

Deputetë e politikanë
Kanë fitue me djersë të huaj,
Sdinë sa kanë, s’dinë t’i numrojnë
Sdinë sa vjedhin në ditë e muaj.

A e shohin këtë program
Që udhëheqë Teutë Krasniqi,
Athua qajnë kur qan një popull
Apo kanë ndjenja hiçi!

Qajnë fëmijët e lotojnë nënat
Për shtëpi që ndërton Pacolli,
Plot buzqeshje e dashuri
Anë e mbanë Kosovës mbolli.

S’mund të rrish pa qajtë me zë
Sidomos ne në mëgrim,
I dërgojnë t´fala Teutës
E Pacollit përqafim.

I dërgojmë siç kemë dërguar
Edhe të tjerëve për mirësi,
Duhet t´japish dhe më t´shtrejtën
Që të gëzojmë pakëz liri.

Invalidë dhe veteranë
Kanë nevojë t´ju ndihmojë shteti,
Por shtetarët janë të zënë
Për me bë pasuri për veti.

Sa tenderi e sa kontrata
Lidhen krejt n´korrupcion,
Mos me i dhënë njëzet përqind
As nëna babin më s’e don!

Karagjozë në t´katër anët
Kanë nda vendin n´territore,
Mos me dhënë haraç sa lypin
Ta ndrrojnë pamjen e t´bajnë therrtore!

Këta „trima“ k´ta Karagjozë
I kanë lidhjet me ploci,
Me gjykata e prokurorë
Deri n´maje në Qeveri.

Kishin lidhjet me UNMIK-un
Në EULEX tash veprojnë,
Kanë fitue përvojë të madhe
Edhe Zotin e korruptojnë.

Ndërsa trimat që luftuan
Me dashuri për mëmëdhe,
Kanë mbetë t´strukur në ndonjë qoshe
Mallkojnë veten pse kanë le!

Sa paraja u dergue n´Atdhe
Gjak e djersë u derdhën rrëke,
Porse tash s’na don atdheu
Dhe askund vend nuk ke!

I huaj këtu i huaj n´atdhe,
Mërgimtarin kaplon zhgënjimi,
Ku është mikëpritja e dashuria
Ku është tradita e afrimi!?

Porse ne s’do humbim shpresën
Jemë kalitë të jemë besnikë,
Si Pacolli e Teuta
Lindin nënat për çdo ditë.

Lindin nënat vasha t´reja
Plotë mirësi si Nënë Tereza,
Djem petrita si lisa qarri
Si Rugova e Adem Jashari.

Moj Kosovë mos ke merak
Se ky popull ka derdhë gjak,
Ka me t´bërë Ty si lulkuqe
Me Shqipërinë do vishesh nuse.

Düren, 16.08.2009
Pas emisionit “Ta ndërtojmë Kosovën”

(Vota: 10 . Mesatare: 4.5/5)