Milazim Zeqiraj: Sytë tanë shofin larg

Milazim Zeqiraj

Sytë tanë shofin larg

Për të jetuar më mirë

këgën e parë e kënduam vet.

Ne jemi këtu, dem baba dem

Nuk lëvizim,

edhe kur vendi mbulohet me zjarr.

Në rrugëtimin tonë,

ne ecnim ngadalë, në trasen e diellit,

të sigurt në heshtje,

dhe në heshtje prisnim,

ditën me dritë si shpërblim.

Në çdo agim,

ne e prisnim Diellin në dritare.

Ai vinte i gëzuar,

si një shkëlqim i artë.

Na ngrohi shpresën tonë,

edhe kur në tokë përplaseshin stuhit.

Sytë tanë shofin larg,

dritën përtej errësirës.

Ajo vinte ngadalë

me  shkëlqim mbi ne,

me dritë që s'shuhe kurrë.

Këtu liria e jonë,

flet me zemër të qetë.

Ne, në rrugëtimin tonë,

ecim pa u lodhur,

të lirë me sy plot dritë.

Kur ke dritë e ngrohtësi,

liria e paqa s'jnë veç fjalë.

Duhet rujtur,

se mijëra zemra sot e presin në istikam.