Editorial » Ukaj
Ndue Ukaj: Ideologjia rrënimtare
E marte, 15.07.2025, 06:56 PM
Ndue Ukaj:
Krimet
dhe padrejtësitë më të mëdha në historinë e njerëzimit janë kryer nga bandat
ideologjike, të cilat janë të korruptuara, rrënimtare e përçarëse në të gjitha
pikëpamjet.
Grupimet
ideologjike me rrënjë markiste janë si sekte të verbuara, shpërndajnë
gënjeshtra dhe ato i mbrojnë me afsh.
Ato
s’e njohin lirinë politike, por e mbrojnë ethshëm një liri të kufizuar
ideologjike - që është e kundërta e lirisë së njëmend.
Këto
grupe, s’pranojnë kurrë asnjë argument, madje as kur mbesin cullak.
Kurse
cilësia kryesore e tyre është indiferenca kundrejt të vërtetës.
Këto
banda kurrë s' pendohen dhe kurrë s'njohin faj.
Kurrë
s' thonë: po, kemi gabuar, por gjithmonë i drejtojnë shigjetat e helmatisura
drejt tjetërkujt.
Dhe
sot në Kosovën e dërmuar, krim ma të madh s'ka se sa të mbjellësh urrejtje
kundër perëndimit, kjo është ideologji rrënimtare, sepse, kjo domethënë të
mbjellësh urrejtje kundër vetvetes, identitetit tonë kulturore, historisë sonë
kulturore, ta çorientosh një popull dhe t'i godasësh themelet e shtetit.
Të
thuash me epsh ideologjik se perëndimi është kundër shqiptarëve domethënë të
ushqesh propagandën ma dashakeqe historike që është bërë kundër shqiptarëve,
po, domethënë ta ushqesh ambicien shekullore të dy llavave të forta, osmane e
komuniste, që bënë çmos t’i këputnin shqiptarët nga rrjedhat perëndimore.
Kurse
broçkullat patriotike të këtyre grupimeve janë gropa të zeza për shoqërinë, gjë
të cilën po e dëshmojnë përditë e qartësisht koordinimet e plota të pushtetit
të sotëm ideologjik me kriminelët serbë në veri, ndërkohë që përbrenda tyre
gëlon urrejtja kundër Shqipërisë, Amerikës e Europës, pa të cilat as s' ka
paqe, as mirëqenie, as demokraci, por ka veç anarki e marrëzi.