Ndue Ukaj: Populli i Kosovës po i del përballë furisë primitive politike

Ndue Ukaj:

Historia njerëzore tregon se veprat e mëdha të njerëzimit, janë vepra të dashurisë, të mirësisë e të solidaritetit dhe jo të urrejtjes.

Urrejtja sjell dhunë dhe pushtet të gënjeshtrave.

Një mik i imi prej Tirane, i shqetësuar me këtë gjuhë, para një kohe më tha:

"Ne duhet të çlirohemi nga diktatura e urrejtes së gjuhës."

Po, kjo diktaturë e urrejtes së gjuhës i paraprinë çdo të keqe, është armiku më i madh i vendit tonë, barriera kryesore, që e pengon zhvillimin, është

mendësia që e ka futë vendin tonë nën sanksione të perëndimit, duke ka lënë prapa krejt rajonit dhe duke katandisë në mjerim të thellë.

Kjo mendësi e urrejtes, nuk e do mendimin alternativ. Nuk e pëlqen demokracinë perëndimore.

Kjo mendësi nuk e do lirinë e medias.

Kjo mendësi nuk i duron sukseset e bizneseve, sepse është mendësi e varfërisë dhe izolimit, shpirtërore e fizik.

Por, jam i bindur se populli i Kosovës tashmë po i del përballë kësaj furie primitive politike, lëvizjës së pallavrave idologjike e dokrrave patriotike dhe do ta ndëshkojë.

Populli i Kosovës di të refuzojë estetikisht, në mënyrë të mrekullueshme.