Sabile Basha: Dritë polare

Sabile Keçmezi-Basha

DRITË POLARE

(Katarina Josipit)

Të gjithë jemi në parakalim

Kohën e ndrydhim nën gishta

Heshtja shumëzohet në kalim

Kush na ftoi mysafirë në këtë natë

Kulmi i vatrës na bënë strehim

E mikpritje

Në pritje

Një ditë polare

Na bënë homazhin e fundit

Të ditës që më nuk e kemi

         Përkulemi para një ylli

Që tinëzisht e pagëzuan motër të Moisiut

Vallë

Mos është ajo dritë polare

Që u struk te vëllai

E ne-

Pa te,

T’i bëjmë këto nderime

         Me vite ëndërruam vetëm një lule

Ku në mbrëmje të purpurta

I qetuam puplat

Që mbetën peng në çerdhen e vjetër

         Ajo dritë polare

Në distancë kohore

Në kalë Konstandini

Sikur na shpuri matanë

Atje ishte ajo

Vallë ku ishim ne