E diele, 25.02.2024, 05:43 PM (GMT)

Kulturë

Botime të reja nga Gëzim Murajza, Valbona Banka dhe Preç Zogaj

E merkure, 15.11.2023, 07:57 PM


‘Në librari’/ ‘Tingulli i mbramë’, simfonia e vetmisë së prindërve shqiptarë! ‘Mister Ash’, një udhëtim misterioz me Valbona Bankën! Preç Zogaj me romanin ‘Nata’!

Rubrika “Në Librari” përgatitur nga gazetarja Anila Dedaj vjen këtë fundjavë me tre tituj të rinj.

Nga Anila Dedaj

Titulli: “Tingulli i mbramë”

Autor: Gëzim Murajza

Shtëpia Botuese: Botimet Fishta

Çmimi: 800 lekë

Gëzim Murajza e zhvillon subjektin e romanit të tij të dytë në periferi, ndonëse temat që trajton, nuk kufizohen në lokacion. Në “Alpe”, me sfondin e jetës dhe peizazhit në fshat “Tingulli i mbramë”, që njofton agun, nga e hëna në të dielë, nis e dobësohet... Ndërkaq, Simoni, sjell përmes historisë së tij, simfoninë e vetmisë së prindërve shqiptarë, ku fëmijët ndjekin rrugën e tyre... Jeta e ndërtuar me ndershmëri e një ish-minatori dhe gruas së tij Lenës, që ‘kriset’nga një sëmundje e rëndë.

Titulli: “Mister Ash – Oazi i sekreteve”

Autor: Valbona Banka

Shtëpia Botuese: Mediaprint

Çmimi: 700 lekë

Një udhëtim misterioz, bën bashkë një grup të rinjsh. Lexuesi ndjek rrugëtimin e tyre drejt shtigjeve, prej vitesh të pashkelura, njësoj si të fshehtat që ata mbartin me vete... Ndërsa autorja Valbona Banka e zbulon gradualisht misterin e personazhit ‘Mister Ash – Oazi i Sekreteve’... Një libër plot karaktere, përballje natyrash e brezash, ku autorja u jep të rinjve guxim për të rrëfyer të fshehtat, vragat që i lëndojnë,  duke i bërë të kuptojnë se në jetën e çdokujt ka ngjarje që u shkaktojnë palumturi, por pavarësisht kësaj ata s’do të jenë vetëm.

Titulli: “Nata”

Autor: Preç Zogaj

Shtëpia Botuese: UETpress

Çmimi: 1000 lekë

Gruaja, fati i saj dramatik, në shoqërinë kaotike shqiptare ‘të mbrujtur’ nga mentaliteti maskilist, tranzicioni dhe ‘shuplakat’ e moralit, janë në qendër të romanit më të fundit të shkrimtarit Preç Zogaj “Nata”. Tri motra dhe një atvrasës, drejt zbardhjes së ngjarjes tronditëse, Zogaj, ‘zhbirilon’ plagët e shoqërisë, duke nxitur reflektim, apo shpëtimin e munguar të ditës ndaj dy syve të pafajshëm.

B.V/KT/Shqiptarja.com, 12 Nëntor, 2023

_______

Video në Youtube: https://www.youtube.com/watch?v=gLC9Di-5IJ8



(Vota: 5 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora